Blogia
vgomez

NOVOS DATOS SOBRE O BOSÓN DE HIGGS

NOVOS DATOS SOBRE O BOSÓN DE HIGGS
Imaxe que amosa unha colisión entre protóns no experimento do CERN na busca do "Bosón de Higgs" / EFE

 

Físicos da Organización Europea para a Investigación Nuclear (CERN) presentaron novos resultados, nunha conferencia en Moriond (Italia), que aclaran máis a natureza da partícula descuberta en xullo e que se trataría dun Bosón de Higgs.

Segundo informou o Centro Nacional de Física de Partículas, Astropartículas e Nuclear (CPAN), os datos obtivéronse tras analizar unha cantidade de datos dúas veces e media maior que a dispoñible para o anuncio que se realizou o pasado mes de xullo. Así, os científicos observaron que a nova partícula parécese cada vez máis a un Bosón de Higgs.

Non obstante, segue sen resolverse se é o bosón de Higgs do Modelo Estándar de Física de Partículas, ou posiblemente o máis lixeiro dunha serie de bosóns preditos por algunhas teorías que van máis alá do Modelo Estándar. Neste sentido, sinalaron que atopar a resposta "levará máis tempo".

Para aqueles que descoñezades do que se está a falar, podedes recuperar o artigo que en xullo pasado publiquei ao respecto: "O BOSON DE HIGGS PARA PROFANOS" con so premer AQUÍ.

FONTE: Xornal abc/Ciencia

0 comentarios