O mundo está repleto de lugares marabillosos, lugares que gardan un encanto único e que teñen o poder de transportarnos a épocas pasadas onde a maxia parece cobrar vida. Se che gustan os contos de fadas e as novelas de aventura, preséntoche algúns deses lugares que poderían ser perfectamente o escenario dalgún deles.

Hoxe, para comezar, falaremos do Tunel da Wisteria  de Xapón.

Os xardíns Kawachi Fuji están situados na cidade de Kitakyushu (Xapón). Nos devanditos xardíns localízanse máis de 150 plantas de Glicinias, (planta do xénero Wisteria)  de 20 especies diferentes. A atracción principal do xardín é o túnel da Wisteria que permite aos visitantes camiñar por un encantador túnel baixo unha explosión de cor.

A mellor época para visitar Kawachi Fuji Garden é de finais de abril a mediados de maio, polo xeral en horas pico a finais de abril. O xardín é privado, polo que hai que pagar entrada.

As Glicinias son plantas do xénero Wisteria, que abarca dez especies de vides trepadoras; nativas do leste de Estados Unidos e de países do Leste de Asia tales como China, Corea e Xapón. Son arbustos leñosos de hábito trepador. Cultívanse como plantas de decoración debido aos seus acios de flores primaverais e da súa espesa follaxe. Segundo as variedades, as flores son violetas, azuis ou brancas. A largura das inflorescencias varía de 10 cm a un metro da Wisteria floribunda "Macrobotryes". Tanto as sementes como as vainas son sumamente tóxicas polo que debe evitarse a súa inxesta. O nome Wisteria provén do Dr. Caspar Wistar, un anatomista da universidade de Pensilvania.

Espectacular!

FONTE: aryse.org