CANTO SABES DE GALICIA XI

Continúo coa serie Canto sabes sobre Galicia, que pretende facer un percorrido sobre cousas que tod@s deberiamos de coñecer sobre a nosa Comunidade Autónoma. A resposta a pregunta do día anterior é 1981. Logo de ser aprobado en referendo polo pobo galego o 21 de decembro de 1980, aínda que cunha moi baixa participación na votación (28,27%), o 6 de abril de 1981, este estatuto foi asinado por O rei Xoán Carlos I de España, e polo presidente do goberno Leopoldo Calvo Sotelo Bustelo, no Palacio Real de Madrid, entrando pois en vigor.

E imos coa pregunta de hoxe?

10. Memorías dun neno labrego, é una novela histórica e social publicada en Argentina en 1961. Trata das lembranzas de infancia dun neno pobre do campo galego, sendo o libro máis lido da literatura galega. Quen foi o seu autor?

- Afonso D. Rodríguez Castelao

- Álvaro Cunqueiro Mora

- Xosé Neira Vilas

- Eduardo Blanco Amor

Mañá a solución e unha nova proposta!

FONTE: Idea orixinal blog.galiciamola.es, portalgalicia.com e gal.wikipedia.org Imaxe: edu.xunta.gal