Facebook Twitter Google +1     Admin

LAGO DE LAVA EN ÍO

Publicado: 16/05/2017 07:35 por vgomez en NOTICIAS DAS CIENCIAS

 

Ío, a máis interna das catro lúas de Xúpiter é o corpo con maior actividade volcánica do Sistema Solar, alberga na súa superficie un gran lago de lava chamado Loki Patera (en honra ao deus nórdico relacionado co lume e o caos). O cráter de 200 km de ancho puido ser observado por primeira vez cun telescopio terrestre hai apenas dous anos. Agora, investigadores da Universidade de California en Berkeley obtiveron un mapa excepcionalmente detallado da zona e descubriron que o lago non é un aburrido prato de sopa, senón que dúas ondas cruzan a súa superficie.

O 8 de marzo de 2015, outra lúa do mesmo sistema, Europa, pasou por diante de Io, o que bloqueou gradualmente a luz do mundo volcánico. Debido a que a superficie de Europa está recuberta de xeo de auga, reflicte moi pouca luz solar en lonxitudes de onda infravermellas, o que permitiu aos científicos illar con precisión a calor que emana dos volcáns na superficie de Io.

Os datos mostraron que a temperatura da superficie do masivo lago fundido de Io aumentaba constantemente dun extremo ao outro, o que suxire que a lava formara dúas ondas que se movían de oeste a este ao redor dun quilómetro por día. A zona quente do cráter ten unha superficie de 21.500 quilómetros cadrados, máis grande que o lago Ontario.

FONTE: Xornal abc/ciencia

Comentarios  Ir a formulario

No hay comentarios

Añadir un comentario



No será mostrado.