Jimmy Wales é recoñecido por ser o creador do proxecto colaborativo máis importante do mundo: Wikipedia. Unha enciclopedia en liña que está editada en douscentos oitenta e oito idiomas e que conta con máis de corenta e seis millóns de artigos. Entre outros premios, no ano 2015 recibiu o Premio Princesa de Asturias de cooperación internacional pola súa contribución ao fomento e difusión do coñecemento á humanidade. Jimmy Wales é un apaixonado da educación, especialmente das posibilidades que a aprendizaxe informal ofrece actualmente para a educación das persoas. Nomeado como a sexta persoa máis influente do mundo, Wales sostén que en parte grazas á tecnoloxía, a aprendizaxe vai máis aló do colexio ou a universidade, e sinala a necesidade de continuar aprendendo durante toda a vida.