Adam  Alter é psicólogo e profesor do departamento de psicoloxía da Universidade de Nova York. Colaborador habitual de prestixiosos medios de comunicación como  The New York TimesThe  New  Yorker The Washington PostWired e Popular  Science.  Alter escribiu numerosos artigos sobre psicoloxía social e coñecemento humano, aspectos nos que centra a súa investigación.  Alter é autor do libro, éxito de vendas en EEUU, "Irresistible", no que de maneira sinxela e a través de numerosos exemplos, analiza o uso que facemos dos teléfonos móbiles e outros produtos tecnolóxicos que conseguen atrapar a nosa atención. Como podemos convivir con dispositivos tecnolóxicos, como os móbiles, que desempeñan un papel tan importante nas nosas vidas? O profesor  Alter, describe un comportamento nocivo e  adictivo para os nosos fillos a través de exemplos cos que moitas persoas sentirán identificadas. “Se sempre lles dás unha solución en forma de pantalla, os nenos non aprenderán a regularse”. A interacción coa tecnoloxía cando os fillos están diante é o mellor exemplo porque, tal e como advirte, “os nenos consideran interesante aquilo ao que os seus pais prestan atención”.