DOCENCIA

O VOLCÁN TUNGURAHUA ESPERTA DE NOVO

O volcán Tungurahua, situado no centro andino do Ecuador, volveu espertarse. Xa en xulio e agosto de 2006 rexistrara fortes explosións que deixaran, entón, sete mortos e cuantiosos danos materiais na agricultura e nas infraestructuras viarias. Tungurahua significa gorxa de fogo e atópase a 130 quilómetros de Quito.

Por outra banda, non moi lonxe, agora e Chile, o volcán Llaima, do que demos noticias nesta páxina, segue activo dende o pasado 1 de xaneiro. Atópase a 700 quilómetros ao sur de Santiago de Chile.

Pero, ¿que é e como se forma un volcán? Se estás interesado en contestar a estas preguntas pincha na seguinte páxima interactiva:OS VOLCÁNS

O EMBARAZO

¿Como fomos enxendrados? ¿Que sentía a nosa nai mentres estivemos no seu ventre? ¿Como pasamos eses nove meses?

Estas e outras moitas preguntas sobre o embarazo poden ter resposta no seguinte programa interactivo, podendo averiguar ao final o que aprendiches sobre o tema.

Se estás preparado, pincha en O EMBARAZO

APARATO CIRCULATORIO

Alá polo mes de outubro pasado, falamos do sangue e da súa composición. Hoxe imos ver mediante un artigo interactivo o funcionamento do aparato circulatorio.

Por unha banda o sistema cardiovascular (o funcionamento do corazón, o sistema de tuberías que forman as veas, arterias e capilares) e por outra o sistema linfático (rede de vasos e gánglios linfáticos).

Se estas disposto preme en SISTEMA CIRCULATORIO

VISITA AO PUNTO LIMPO DE A GUARDA IV

1º E.S.O. D

VISITA AO PUNTO LIMPO DE A GUARDA III

1º E.S.O. C

VISITA AO PUNTO LIMPO DE A GUARDA II

1º E.S.O. B

VISITA AO PUNTO LIMPO DE A GUARDA

ALUMNOS 1º E.S.O. A
 

O día 9 de xaneiro empezaron as visitas dos alumnos-as de 1º ESO ao Punto Limpo de A Guarda, nunha actividade conxunta da Concellería de Medio Ambiente de A Guarda e a Axeda 21 Escoalr Galega- Departamento de Bioloxía Xeoloxía (Ciencias  da Natureza) do IES "A Sangriña".

En próximos días aparecarán as fotografías dos alumnos-as asistentes. Hoxe empezamos por 1º ESO A. 

AURORA BOREAL

A AURORA BOREAL é un meteoro luminoso que se produce ao redor das zonas polares. Orixínase cando as partículas cargadas electricamente (protóns e electróns) procedentes do Sol e transportadas polo vento solar, son guiadas polo campo magnético da Terra e impactan a gran velocidade contra os átomos e moléculas da atmosfera terrestre (osíxeno e nitróxeno, compoñentes máis abundantes do aire). Parte da enerxía da colisión excita eses átomos a niveles de enerxía tales que cando se desexcita devolven esa enerxía en forma de luz visible.