CANTO SABES SOBRE A PRIMEIRA GUERRA MUNDIAL? VII

Continúo coa serie Canto sabes sobre a Primeira Guerra Mundial, un conflito bélico mundial que tivo lugar entre 1914 e 1918 e que involucrou a todas as grandes potencias do mundo, na que morreron máis de nove millóns de combatentes. A contestación correcta á pregunta de onte é Batalla de Somme. A ofensiva ou batalla do Somme (rexión da Alta Francia, con capital en Amiens) foi unha das maiores operacións desta guerra. Organizouse coma a batalla que rompería as liñas xermanas. O resultado non foi claramente favorable para ningún dos dous bandos. Os aliados non puideron avanzar máis de 8 quilómetros pero os alemáns sufriron moitas baixas. Hoxe estímase en 623.000 baixas aliadas e en 465.000 a 600.000 as alemás.

E imos coa pregunta de hoxe!

7. Que exército usou por primeira vez armas químicas?

- Alemaña (cloro)

- Italia (gas mostaza)

- Francia (gases irritantes)

Mañá a solución e unha nova pregunta!

FONTE: Idea orixinal historia.nationalgeographic.com.es e wikipedia.org