CANTO SABES SOBRE A ENERXÍA NUCLEAR? VIII

Continúo coa seria adicada á enerxía nuclear, xerada nun proceso físico do interior dos átomos e das partículas máis pequenas que os forman: os protóns e os electróns, e na que se depositan as esperanzas nesta fonte de enerxía como apoio para deixar atrás aos perigosos combustibles fósiles, para abrir camiño a unha transición enerxética da man das coñecidas como enerxías renovables (eólica, solar...); pero que debido á súa mala fama herdada dos horrores das armas nucleares, e dalgúns accidentes de centrais nucleares primitivas (que pouco teñen que ver coas actuais), a información que rodea á enerxía nuclear continúa infestada de medos e mitos.

Á resposta á pregunta de onte é Menos de 500. Segundo Foro Nuclear, os 442 reactores actualmente operativos nun total de 31 países producen ao redor do 11% da electricidade mundial. Segundo o Organismo Internacional de Enerxía Atómica (OIEA) de Nacións Unidas, (datos a abril de 2019) hai 53 unidades en construción en 20 países entre os que se atopan China, India, Rusia, Corea do Sur, Emiratos Árabes Unidos, Finlandia ou Francia. China é o país do mundo que máis reactores constrúe. Conta con 48 unidades operativas e dez reactores máis en construción. A China séguelle India, con sete reactores en construción, así como Rusia, Eslovaquia, Corea do Sur ou Emiratos Árabes Unidos con catro reactores en construción cada un deles. Francia, con 58 reactores operativos, é o país da Unión Europea con máis unidades nucleares.

E imos coa pregunta de hoxe!

8. Cal é o país que máis aposta pola enerxía nuclear en Europa?

- ReinoUnido

- Bélxica

- Alemaña

- España

- Francia

Mañá a solución e unha nova pregunta!

FONTE: Idea orixinal muyinteresante.es/ciencia e foronuclear.org