CANTO SABES SOBRE OS MORCEGOS? IV

Continúo coa serie adicada aos morcegos, a miúdo etiquetados como pragas chupadoras de sangue ou portadoras de patógenos potencialmente mortais, como os coronavirus, pero esa reputación oculta todas as cousas boas que fan, desempeñando un papel crucial en moitos ecosistemas ao polinizar plantas e cultivos, e regular as poboacións de insectos.

A contestación correcta á pregunta de onte é 1.100. En efecto, en total e na actualidade, existen no noso planeta unhas 4.400 especies de mamíferos das cales 1.100 pertencen á orde dos morcegos, os cales habitan en todos os continentes excepto na Antártida.

E imos coa pregunta de hoxe!

4. Como dixemos hoxe, no mundo existen unhas 1.100 especies de morcegos. Istes, pódense clasificar de forma xeral en dous grandes grupos de quirópteros. Saberías dicir cal dos seguintes, non é un grupo de quirópteros?

- Megaquirópteros

- Microquirópteros

- Pseudoquirópteros

Mañá a solución e unha nova pregunta!

FONTE: Idea orixinal nationalgeographic.com.es/naturaleza