CANTO SABES SOBRE A HISTORIA DA ARTE? XV

Continúo coa serie CANTO SABES SOBRE A HISTORIA DA ARTE como disciplina académica, restrinxida ás denominadas artes visuais ou plásticas (esencialmente a pintura, escultura e arquitectura).

A contestación correcta á pregunta de onte é Os íberos. Con este nóme, íberos, chamaron os antigos escritores gregos á xente do levante e sur da península ibérica para distinguilos dos pobos do interior, cuxa cultura e costumes eran diferentes. A Dama de Elxe é un busto ibero tallado en pedra calcaria que se data entre os séculos IV e V a. C. Mide 56 cm de altura e ten nas súas costas unha cavidade case esférica de 18 cm de diámetro e 16 de profundidade, que posiblemente servía, para introducir reliquias, obxectos sacros ou cinzas como ofrendas ao defunto.

E imos coa pregunta de hoxe!

15. A que pintor español pertence esta obra?

- Murillo

- Velázquez

- Goya

- Zurbarán

Mañá a solución e unha nova pregunta!

FONTE: Idea orixinal culturizando.com, blog.musement.com e es.wikipedia.org      Imaxe: es.wikipedia.org