CANTO SABES SOBRE A HISTORIA DA ARTE? XVII

Continúo coa serie CANTO SABES SOBRE A HISTORIA DA ARTE como disciplina académica, restrinxida ás denominadas artes visuais ou plásticas (esencialmente a pintura, escultura e arquitectura).

A contestación correcta á pregunta de onte é Menorca. A Naveta dels Tudons é un monumento funerario prehistórico característico da Illa de Menorca. A de Tudons é naveta máis coñecida, datada entre o 2.000 e o 1.500 a.C. durante a época pretalaiótica, lugar de soterramento colectivo, realizada con perpiaños de pedras cortados de forma regular. A súa planta é de ferradura e no seu interior conta con dúas cámaras, unha superposta á outra.

E imos coa pregunta de hoxe!

17. En que ano pintou Picasso  o Guernica?

- 1927

- 1937

- 1947

- 1957

Mañá a solución e unha nova pregunta!

FONTE: Idea orixinal culturizando.com, escapadarural.com gl.wikipedia.org      Imaxe: culturizando.com