#DígochoEu: Non digas *reseso...cando fales en castelán!
Reseso é unha palabra única no galego e que se emprega en castelán, incorrectamente!
#DígochoEu
DOCENCIA
#DígochoEu: Non digas *todavía
Nada de *todavía en galego! Este adverbio é castelan e debemos usar outro no seu lugar. Sabes cal é?
#DígochoEu: Se che piden compartir pantalla por WhatsApp, pode ser un #cibercarracho!
Coidado! Os #cibercarrachos están sempre na última no WhatsApp 😈!
#DígochoEu
#DígochoEu: Non escribas *tal vez
Alucina! *tal vez non se escribe así! Atención!
#DígochoEu
#DígochoEu Non digas *halagar
CANTO SABES DE HUNGRÍA? XVI (FIN)
Remato coa serie adicada a Hungría, un dos vintesete Estados soberanos que forman a Unión Europea e que se atopa na chaira panónica da Europa Central.
A contestación correcta á pregunta de onte é Tulipán. É a flor nacional de Hungría, famosa en todo o mundo, aínda que un pouco máis nos países europeos. É unha planta perenne e bulbosa, pertencente á familia Liliaceae. É unha planta bela que podes atopar nunha infinidade de especies diferentes, case 5.000, aínda que de todas esas, as especies máis comúns son as que posúen os pétalos nas seguintes cores: branco, amarelo, e vermello. En Hungría é coñecida como tulipán moteado.
Espero que esta serie servise para coñecer este país!
Ata a próxima serie!
FONTE: verdissimo.com/es Imaxe: Hungría Parque Tulipas Pensamientos Botanical garden Szeged
CANTO SABES DE HUNGRÍA? XV
Continúo coa serir adicada a Hungría, un dos vintesete Estados soberanos que forman a Unión Europea e que se atopa na chaira panónica da Europa Central.
A contestación correcta á pregunta de onte é Potencias do Eixe. Hungría foi durante a Segunda Guerra Mundial membro das potencias do Eixo. Na década de 1930, o Reino de Hungría baseou a súa estratexia para saír da Gran Depresión no incremento do comercio coa Italia fascista e a Alemaña nazi o que trouxo como consecuencia un xiro á dereita da política húngara e unha aproximación en política exterior aos mencionados países, da que Hungría obtivo beneficios territoriais temporais: diversas disputas territoriais con Checoslovaquia, a Eslovaquia, e Romanía saldáronse con acordos negociados favorables a Hungría. En 1940, baixo a presión de Alemaña, Hungría uniuse ao Eixo. Aínda que esperaba evitar a participación directa na guerra, esta pronto se fixo inevitable. En 1941, as forzas húngaras participaron na invasión de Iugoslavia e a invasión da Unión Soviética. Mentres combatía contra a Unión Soviética, Hungría mantivo negociacións de paz secretas cos Estados Unidos e o Reino Unido. Hitler descubriu a súa traizón e, en 1944, as forzas alemás ocuparon Hungría para evitar unha deserción similar á de Italia. Cando as tropas soviéticas aproximábanse ao territorio húngaro o rexente Miklós Horthy asinou un armisticio entre Hungría e a Unión Soviética. Os alemáns reaccionaron e o fillo de Horthy foi secuestrado por un comando alemán mentres as tropas de Hitler ocupaban a capital, na que o rexente non contaba coas forzas necesarias. Horthy viuse obrigado a revogar o armisticio e pouco despois foi deposto do poder e internado en Alemaña. En 1945 as forzas húngaras e alemás en Hungría foron derrotadas polos soviéticos.
E imos coa pregunta de hoxe e última da serie!
15. Cal é a flor nacional de Hungría?
- Rosa
- Violeta
- Tulipán
- Margarida
Mañá a solución e una nova proposta!
FONTE: es.wikipedia.org Imaxes: eurasia1945.com