vgomez

Geococcyx californianus é o nome científico do correcamiños norteño, tamén coñecido como bruxa do monte, unha popular ave da familia do cuco que vive no suroeste dos Estados Unidos. Mide de 50 a 60 centímetros e, aínda que pode voar, faino moi pouco, sendo a súa forma habitual de desprazarse cunha veloz carreira en posición prácticamente horizontal (case paralelo ao chan) aproveitando para atrapar as serpes, réptiles, roedores, insectos... dos que se alimenta. Ten plumaxe de cor gris e café, as patas longas, unha pequena crista e unha vistosa cola con manchas brancas que lle serven de timón cando corre. Encántalle tomar o sol. Normalmente vive no deserto ou entre matorrais, e para adaptarse a este medio hostil  desenvolveu a capacidade de conservar auga no seu corpo para tempos de sequía. A diferencia do correcamiños da serie de debuxos animados creada por Chuck Jones, non emite  o son "bip", "bip", senón unha especie de castañeteo máis parecido a "prrr".

Fonte:365especies.com