Blogia
vgomez

O SOL ENGULIRÁ Á TERRA ANTES DO QUE SE PENSABA

Recreación do Sol engulindo á Terra / NASA

Unha de cada 3 estrelas semellantes ao Sol engule aos seus planetas, e segundo os resultados dos últimos estudos científicos, todo parece indicar que o astro rei farao antes do esperado.

O principal indicador da súa esperanza de vida é o brillo, que aumenta progresivamente a medida na que a estrela queima átomos de hidróxeno, unha actividade que realiza constantemente mentres existe.

Combustiona, concretamente, 600 millóns de toneladas de hidróxeno por segundo, o que implica que cada mil millóns de anos vólvese máis brillante. Cabe lembrar que o núcleo do sol está composto de hidróxeno e de helio.

As predicións do que sucederá exactamente na Terra a medida que o Sol brille durante o próximos mil millóns de anos son bastante incertas, pero as investigacións apuntan a que, canto máis aumente a temperatura, máis rápido evaporarase a auga da superficie da terra, indica Jillian Scudder, astrofísica da Universidade de Sussex (Brighton, Reino Unido), nunha entrevista a Business Insider, e lembra á súa vez que isto non impide que esta se manteña na atmosfera.

A auga entón actúa como un gas de efecto invernadoiro, que atrapa máis calor entrante, o que acelera a evaporación. A enerxía do sol continuará bombardeando a atmosfera da Terra e dividindo as moléculas e permitindo que a auga escape en forma de hidróxeno e osíxeno, e eventualmente desangrará a Terra ata deixala seca.

En 3.500 millóns de anos, o Sol brillaría aproximadamente un 35 por cento máis, o suficiente como para converter o noso planeta nun páramo seco e estéril coma Venus.

O ton do sol irá, aos poucos, adquirindo un ton encarnado a medida que se achegue o momento da súa morte, que o investigador prognostica nuns cinco mil millóns de anos, cando consuma as reservas de hidróxeno. 

Chegados a ise punto, comezará a queimar helio, o que provocará unha rápida expansión do astro, que atraerá aos planetas ao seu ao redor ata engulilos.

"Unha vez que o hidróxeno deixe de arder no núcleo do Sol, a estrela converterase nunha masa vermella xigante", sinala: "Será entón cando comece a expandirse durante os mil millóns de anos nos que seguirá queimando o helio no seu núcleo e consumíndose".

FONTE: R.N.V./farodevigo.es

0 comentarios