Facebook Twitter Google +1     Admin

Se muestran los artículos pertenecientes al tema FOTOS.

20161025191541-astronomicas3.jpg

Gañador da categoría IAPY 2016 " A nosa Lua" de Jordi Delpeix (España) / Imaxe: Revistas Muy Interesante.

The Insight Astronomy Photographer of the Year é un concurso fotográfico anual organizado polo Observatorio Real de Greenwich (Reino Unido) no que compiten as imaxes máis belas e espectaculares do cosmos realizadas por astrofotógrafos de todo o mundo. Este ano, que se cumpría a oitava edición, recibiu máis de 4.500 propostas procedentes de 80 países. Para coñecer os gañadores de cada categoría preme AQUÍ.

FONTE: Revista Muy Interesante

ESCENA ÚNICA

Publicado: 09/08/2016 16:04 por vgomez en FOTOS
20160808190733-adb3bd82ea92e5fddf36c5a9944abd04.jpg

 

O fotógrafo australiano Tim Samuels atopábase mergullando en Byron Bay, unha das zonas con maior riqueza nas súas profundidades mariñas situada na costa norte de Nova Gales do Sur (Australia). Ali fotografou un peixe que se atopaba atrapado dentro da augamar e sen atopar a saída.

Escena única!

FONTE:noticias.eltiempo.es

PREMIOS WELLCOME IMAGE AWARDS 2016

Publicado: 15/03/2016 15:27 por vgomez en FOTOS
20160313100424-32520af52c04fba9d4603221220b.jpg

Imaxe: Sílvia Ferreira , Cristina Caballero Lopo y Eileen

 Imaxe dunha célula nai humana incrustada nunha matriz 3D , Cryo SEM micrografía electrónica de barrido crioxénico de cor False (Cryo- SEM) dunha soa célula nai humana (centro da imaxe) embebido dentro dunha matriz de hidroxel poroso.

Os premios “Wellcome Image Awards” da fundación «Wellcome Trust» (Organización Biomédica con sede en Londres, establecida en 1936 co legado do magnate farmacéutico Sir Henry Wellcome para financiar a investigación para a mellora da saúde humana e animal) premian as imaxes máis impactantes e tecnicamente máis logradas relacionadas coa biomedicina.

Se queres ver o resto de imaxes impactantes da edición 2016 preme AQUÍ.

FONTE: Xornal abc/ciencia

FOTCIENCIA13 (e II)

Publicado: 26/12/2015 07:52 por vgomez en FOTOS

 

Se o outro día falamos do primeiro premio na categoria xeral, hoxe vermos o resto de premiados, na distintas categorias, a través do vídeo superior. A este certame presentáronse preto de 700 imaxes.

FOTCIENCIA é un certame de fotografía científica convocado pola Fundación Española para a Ciencia e a Tecnoloxía (FECYT) e o Consello Superior de Investigacións Científicas (CSIC) cuxo obxectivo é achegar a ciencia e a tecnoloxía aos cidadáns mediante unha visión artística e estética suxerida a través de imaxes científicas e un comentario escrito do feito científico que ilustran.

FOTCIENCIA13

Publicado: 23/12/2015 09:13 por vgomez en FOTOS
20151221111551-01-que-esconde-la-mano-2835i0.jpg

"Que esconde a man dun neno?"/ Imaxe: RAÚL RIVAS GONZÁLEZ/LORENA CELADOR LERA

O certame FOTCIENCIA celebrou a súa 13ª edición premiando ás mellores as mellores imaxes de ciencia do ano. O concurso, ao que se presentaron preto de 700 imaxes, pretende achegar a ciencia cunha visión artística e estética.

Primeiro premio xeral: "Que esconde a man dun neno?".

A imaxe é a proba gráfica do que pode esconder unha man lixosa. A fotografía foi tomada a partir da pegada dunha nena de 6 anos tras pousar a súa man sobre unha placa de petri que contiña medio de cultivo PCA. A placa foi incubada a 28ºC durante dous días. O obxectivo era demostrar a alumnos de Infantil e Primaria dun colexio público de Salamanca, a importancia que ten lavarse as mans despois, por exemplo, de xogar con terra. Podemos apreciar colonias de fermentos e unha gran diversidade de colonias de bacterias tanto en forma como en tonalidades, destacando un número apreciable de colonias pertencentes aos xéneros Bacillus, Micrococcus e Staphylococcus así como ao grupo das actinobacterias. En realidade, a pel non é un órgano aséptico xa que sobre ela viven multitude de microorganismos. A presenza de bacterias saprófitas na nosa pel é algo normal e hoxe sabemos que estas bacterias comensais están directamente implicadas na saúde humana actuando como primeira barreira protectora fronte a microorganismos indesexables, xa que impiden a colonización doutras bacterias patóxenas.

En próximos días veremos o resto de galardoados.

FONTE: Xornal El Mundo/Ciencia

ESTAMPA DE MONTE

Publicado: 11/11/2015 09:55 por vgomez en FOTOS
20151111095454-unnamed.jpg

 

Na saída que onte fixemos 44 alumnos, 3 profesores e 4 pais aos montes da Valga (Oia) para a recollida de cogomelos, atopámonos con moitas estampas. Unha delas é a capatada por un dos pais (Luis Alberto) e que podedes ver na fotografía superior: un piñeiro coa forma de forquita, momentos antes de porse o Sol.

So o paseo polo lugar, xa mereceu a pena!

20151024195044-1443458692-196377-1443462054-album-normal.jpg

 

Outra candidata ao concurso de fotografía National Geographic Photo Contest.

Un tornado anticiclónico, un fenómeno moi raro que deixou a James Smart, autor da instantánea, coa boca aberta. Tocou terra nunha granxa ao aire libre e faltou pouco para que arrasase varios edificios. Sucedeu preto de Simla, Colorado (EE UU).

FONTE: Xornal El País/Ciencia

20151021095815-1443458692-196377-1443462538-album-normal.jpg

Foto de Francisco Negroni / Imaxe: Xornal El País/Ciencia

A edición do concurso de fotografía National Geographic Photo Contest xa está en marcha, e as inscripcións xa están abertas.

A imaxe que acade o primeiro premio será publicada na revista National Geographic, e o gañador recibirá 10.000 dólares (8.900 euros) e unha viaxe ás oficinas centrais da publicación en Washington (EE UU) para participar no seminario anual de fotografía que cada año organiza a revista.

Ao longo de varios días presentareivos algunhas das fotografías candidatas. Hoxe é a do fotógrafo chileno Francisco Negroni.

Un dos momentos máis violentos da erupción do volcán Calbuco (Santiago de Chile) o pasado 23 de abril. Despois de máis de 40 anos inactivo, expulsou máis de 200 millóns de toneladas de cinzas e supuxo a evacuación de máis de 2.000 persoas.

ESPAÑA DENDE O ESPAZO

Publicado: 22/08/2014 07:51 por vgomez en FOTOS
20140819163604-espana.jpeg.bmp

 

12 de xuño. “Portugal, España e Marrocos, nunha tarde maiormente soleada"

Incrible imaxe que o astronauta Reid Wisema da ISS (Estación Espacial Internacional) manda dende o espazo.

FONTE: Xornal abc/ciencia

EUROPA DE NOITE DENDE O ESPAZO

Publicado: 18/03/2014 07:26 por vgomez en FOTOS
20140316111107-europa-noche-espacio-europa-noche-espacio-5346.jpg

 

Espectacular imaxe do oeste de Europa de noite tomada polo astronauta André Kuipers dende a Estación Espacial Internacional (ISS). Na parte dereita da imaxe podemos ver o oeste da península Ibérica, con Portugal en primeiro plano. Á esquerda da instantánea obsérvase claramente unha cidade máis iluminada que o resto: París.

FONTE: Revista MuyInteresante

WELCOME IMAGE AWARDS 2014

Publicado: 15/03/2014 08:42 por vgomez en FOTOS
20140313191127-imaxe-adwards.jpg

Imaxe gañadora dun implante cardiaco / Anders Persson/WELLCOME IMAGES

Os "Wellcome Image Awards 2014", organizado pola ONG sanitaria británica Wellcome, son premios, que como a institución británica "Wellcome Trust" o expresa, "celebran imaxes creativas e cativadoras, dando vida a unha grande cantidade de descubrimentos científicos e médicos. Dende detalles microscópicos, pasando por fotografías clínicas ata ilustracións, os premios son unha oportunidade para mostrar as imaxes que capturan a marabilla da ciencia".

Este ano a gañadora foi a impactante imaxe, en 3D e a cor, dun corazón artificial implantado no corpo dun enfermo. O seu autor foi Anders Persson, Director do Centro para a Visualización e as Imaxes Científicas da Universidade Linköping de Suecia.

Para visualizar o resto de fotografías do concurso preme AQUÍ. 

FONTE: wellcomeimageawards.org e xornal el mundo/ciencia

ARQUITECTURA DE CADEIRAS

Publicado: 22/10/2012 10:08 por vgomez en FOTOS
20121021123639-sany0409.jpg

 

A fin de semana pasada estiven en Vilanova de Cerveira (Portugal). Entre o Aquamuseu e o río Miño atopei esta obra equitectónica curiosa. Non ten nome, que eu saiba, pero podería bautizala como "Descanso invernal". Está formada por 84 cadeiras de terraza brancas colocadas e 7 columnas unidas entre elas.

Orixinal!

20120909122352-ovario-dun-rape..jpg

Ovario dun rape / Nikon Smail 2009 (4º posto)

As fotografías do máis pequeno amósanos un mundo fascinante que non podemos ver a simple vista, é o mundo microscópico. Premendo AQUÍ tes a posibilidade de ver 12 imaxes dese mundo descoñecido, todas elas espectaculares e sorprendentes, publicadas polo xornal ABC/Ciencia.

 

 

CORAZÓN CONFIGURADO POR ALGAS NA AUGA

Publicado: 27/11/2011 09:14 por vgomez en FOTOS
20111123195327-26938-1.jpg

 

Uns excursionistas camiñan xunto a un corazón configurado polas algas de montaña nas augas do ibón maior das Basetes del Portillón (a 2.311 metros de altura), no val de Benasque, no Pirineo de Huesca.

FONTE: Revista Magazine / Foto: Xavier Cervera.

LEMBRANZAS DO ENTROIDO

Publicado: 08/03/2011 16:10 por vgomez en FOTOS
20110308161031-escanear0001-3-4.jpg

Pasaron xa anos, sería alá polo ano 92-93 aproximadamente. Este bispo era o menda lerenda cos meus titorandos, alumn@s de 8º de EXB no desfile escolar pola Guarda. Representabamos unha voda, con noivos, padriños, invitados...

Moito tempo pasou e teño un bo recordo! Pero a vida segue...

COMPLICACIÓNS

Publicado: 07/12/2010 12:00 por vgomez en FOTOS
20101207115058-sany0060.jpg

 

Moitos foron os que saíron de ponte e tiveron complicacións nos aeroportos. No meu caso non foi así, pois non ía de vacacións propiamente ditas, xa que fun facer traballos a Ourense, pero tamén atopei atrancos no camiño. Foi ás consecuencias dunha gran nevarada no tramo entre Ponte da Barca (Portugal) e Lobios (Ourense) en plena fronteira. Anoitecendo, neve xeada,...despacio e chegamos.

Estamos de volta!

PASEANDO POLA AUGA

Publicado: 22/08/2010 10:25 por vgomez en FOTOS
20100820130148-paseando-pola-auga.jpg

 

Foto captada o pasado 19/08/2010 na praia da Armona-Lamiña, tendo por fondo Caminha, onde unga gaivota parece camiñar sobre a auga. O truco radica que está sobre unha pedra a punto de ser asulagada pola marea.

IMAXES DO VOLCAN EYJAFJALLA

Publicado: 26/04/2010 16:34 por vgomez en FOTOS
20100426162830-e02-23042795.jpg

Despois de tanto caos, volve a calma... para a maioría dos pasaxeiros dos avións, pero o problema persiste. O volcán Eyjafjalla segue na súa erupción e corre perigo de engadirse un segundo limítrofe.

Ante a nai natureza non hai nada que facer! Estas imaxes poden pór algo de luz sobre as forzas que non podemos controlar e sobre a súa magnitude. Se as queres ver pincha AQUÍ .

FONTE: boton.com

NEVE NO TREGA

Publicado: 12/01/2010 10:25 por vgomez en FOTOS
20100111173550-trega.96.jpg

NEVE. Si, tamén chegou a neve á nosa vila. Onte  aó redor das 11 horas comenzou a nevar dun xeito persistente. Onde máis se notou foi nos sitios máis altos, coma o Monte. Esta fotografía forma parte dunha reportaxe de Eladio Galiñanes que onte publicou GALICIASUROESTE . Pichando hipervínculo podes ver o resto das fotografías.

Poucas veces se contempla unha estampa tan singular!

FOTOS: TEMPORAL

Publicado: 04/12/2009 09:32 por vgomez en FOTOS
20091203192125-temporal.jpg

"Temporal" 29/11/2009 . Realizada na zona da EDAR de A Guarda.

Inicio un novo tema FOTOS, nas que plasmarei vivencias persoais, fundamentalmente relacionados coa natureza, paisaxe, cultura, curiosidades, etc.



Archivos

Ms

contador de visitas

Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris
Plantilla basada en el tema iDream de Templates Next