CENTRAIS NUCLEARES I
Central nuclear de Ascó (Tarragona)
Xa non é a primeira vez que tratamos neste blog o tema da enerxía nuclear, pero nas últimas semanas volve a palestra con motivo das candidaturas ao emprazamento deo almacén temporal centralizado (ATC).
En España existe xa un cemiterio nuclear de residuos radiactivos, situado na serranía cordobesa de Hornachuelos, e que ten unha vida útil ata o ano 2018. O cemiterio de media e baixa actividade de El Cabril recibíu durante 2002 case 2.000 m3 de residuos, co que xa están cheas 12 das súas 28 celas de almacenamento baixo terra.
Hai moito debate, e é preciso clarificar ben o tema polo que iniciamos hoxe unha exposición en 2 partes: Unha primeira sobre que é a enerxía nuclear e unha segunda, o próximo día, sobre vantaxes e prexuízos deste tipo de enerxía.
1ª PARTE: QUE É A ENERXÍA NUCLEAR?
As centrais nucleares son instalacións nas que se producen reaccións nucleares de fisión nuclear controladas (neutróns son lanzados a gran velocidade contra os núcleos atómicos, normalmente de uranio, dividíndoos) para obter enerxía térmica (vapor), que a súa vez moverá unha turbina conectada a un xerador para producir electricidade.
As centrais nucleares que hai en España son:
| Nome | Provincia | Potencia1 | Ano |
|---|---|---|---|
| Almaraz I | Cáceres | 944 | 1981 |
| Almaraz II | Cáceres | 956 | 1983 |
| Ascó I | Tarragona | 995 | 1983 |
| Ascó II | Tarragona | 997 | 1985 |
| Cofrentes | Valencia | 1064 | 1984 |
| José Cabrera (Zorita)2 | Guadalajara | 141 | 1968 |
| Sta. María Garona | Burgos | 446 | 1971 |
| Trillo I | Guadalajara | 1003 | 1988 |
| Vandellós I3 | Tarragona | 480 | 1972 |
| Vandellós II | Tarragona | 1045 | 1987 |
1 Potencia neta en MWe.
2 Recentemente parada.
3 En fase de desmantelamento.
FONTE: PRIS
Parece moi sinxelo, pero imos velo mellor coas imaxes interactivas da seguinte infografía de consumer.es, pinchando en ENERXÍA NUCLEAR.
0 comentarios