CANTO SABES DE LITERATURA XVII

Letras Galegas / Imaxe: elblogdelmar.com

 

A resposta á pregunta do día anterior é MÉNDEZ FERRÍN. Xosé Luís Méndez Ferrín publicou en 1961 "O crepúsculo e as formigas", un libro de 10 relatos. Neles existe un ambiente de terror, no que as persoas camiñan como formigas en fileira, movidas por forzas cegas, que levan cara un tráxico destino. A brevidade e densidade dos relatos están apoiadas polas recorrencias do discurso que incorpora variados procedementos técnicos: o emprego da estrutura epistolar, do monólogo interior, da ruptura temporal ou da técnica cinematográfica. Os relatos, escritos cando Ferrín vivía en Madrid, están ambientados en espazos urbanos e rurais de Vigo (porto), Ourense (río Barbaña) e Santiago de Compostela.

E imos coa pregunta de hoxe...

17. O Día das Letras Galegas é unha data consagrada á exaltación e promoción da nosa literatura e da nosa lingua arredor da cal se celebran no noso país, e no estranxeiro, numerosas producións e eventos culturais de homenaxe á figura escollida. Comezou a celebrarse en 1963. Porque niste ano?

- Publicación de "Cousas da vida" de Castelao

- Centenario da publicación de "Cantares Gallegos" de Rosalía de Castro.

- Publicación de "Xente de aquí e de acolá" de Cunqueiro

Maná a solución e unha nova proposta.

 FONTE: Adaptación propia á literartura gelaga da idea de Sarah Romero/Revista Muy Interesante/Wikipedia