A "ARCA DE NOÉ" VEXETAL

A cámara de sementes, nunha remota illa de Svalbard / Wbur

Coñecida popularmente como a Bóveda da Fin do Mundo, esta construción pode ser, polo seu contido, o seu segredo e a súa localización ultrasegura, unha das máis estrañas do planeta. A súa soa existencia podería dar argumentos para uns cuantos relatos de ciencia ficción. Está enterrada a 120 metros de profundidade no interior dun montaña xeada nunha remota illa do arquipélago noruegués de Svalbard e contén unha cámara acoirazada repleta de sementes que poderían alimentar aos sobreviventes dunha hipotética catástrofe planetaria como un forte cambio climático, unha praga devastadora ou unha apocalipse nuclear.

O silo, inaugurado en 2008 polo goberno de Noruega, cumpriu nesta semana dez anos con máis dun millón de mostras de diferentes cultivos procedentes de todo o mundo. A Cámara Global de Sementes de Svalbard (Svalbard Global Seed Vault) é unha especie de "arca de Noé" vexetal. No seu décimo aniversario, recibiu máis de 70.000 variedades de cultivos, algúns duplicados de alimentos básicos como arroz, trigo e millo, e outros máis exóticos pero tamén importantes, como o caupí, un tipo de chícharo que supón unha importante fonte de proteínas en África e o sur de Asia, xunto con mostras de sorgo, mijo perla e guandú. Varios cultivos menos coñecidos tamén viaxaron á bóveda. Estes inclúen o maní Bambara, que se está desenvolvendo como un cultivo tolerante á seca nalgunhas partes de África, e a inusualmente chamada pataca de cebola de Estonia, que se depositará xunto con variedades de frixoles únicos no país do leste de Europa.

O primeiro ano no que a bóveda abriu as súas portas como unha instalación de respaldo para os bancos de sementes do mundo recibiu depósitos con máis de 300.000 tipos diferentes de sementes. As entregas continuaron varias veces ao ano desde entón, desde países ao longo e ancho do mundo, incluíndo Australia, Burundi, Colombia, Alemaña, India, Xapón, Corea do Norte, Rusia, EE. UU. e moitos outros.

"A agricultura enfróntase a múltiples desafíos polo clima extremo e as demandas dunha poboación mundial que se espera chegue a 10.000 millóns de persoas en 2050. Isto significa que é máis importante que nunca asegurar que as sementes, a base da nosa subministración de alimentos e o futuro da nosa agricultura, consérvense de forma segura», indica o ministro noruegués de Agricultura.

Hoxe, o número total de variedades de cultivos únicos na Bóveda de Sementes sitúase en 967.216. E aínda poden chegar máis, porque a cámara é suficientemente grande como para almacenar 4,5 millóns de mostras e 2.000 millóns de grans. Este tesouro natural consérvase a 18º C baixo cero en paquetes precintados que á súa vez se colocan en caixas de aluminio. A baixa temperatura e o limitado acceso ao osíxeno aseguran que os grans manteñan unha actividade metabólica baixa e atrasa o seu envellecemento. Ademais, a cámara está preparada para soportar terremotos, explosións nucleares, erupciones volcánicas, potenciais incrementos do nivel do mar, etc... E protexida con portas herméticas e detectores de movemento de posibles intrusos. Segundo a organización, a conservación das sementes está garantida durante séculos. En caso de necesidade, a propiedade do material pertence ao banco de xenes ou país que o depositara. Ninguén máis pode sacar as sementes. Oxalá non chegue ese día!

FONTE: Xornal abc/ciencia