AÍNDA NON CRES QUE O NIVEL DO MARA ESTÁ A SUBIR? MIRA ISTE DATO DA NASA!

 

A perda de xeo continental e de glaciares (na imaxe Perito Moreno) é unha das principais causas do aumento do nivel do mar / nikpal/nikpal- iStockphoto/lavanguardia.com

Cada vez que un medio de comunicación de ampla difusión publica os resultados dun estudo científico sobre cambio climático recibe mensaxes de persoas, case sempre escondidas baixo pseudónimos, que negan a existencia deste proceso ou polo menos que aseguran que os humanos non temos ningunha responsabilidade sobre esta crise ambiental cientificamente probada.

Ademais da inmensidade das probas ratificadas durante os últimos anos por centenares de estudos pode resultar interesante que os negacionistas do cambio climático tomen nota de que mesmo expertos de entidades tan destacadas como o California Institute of Technology e dunha institución na actualidade tan pouco proclive a destacar este tema como a NASA seguen achegando estudos que reiteran o alcance desta crise planetaria.

O caso máis recente é un estudo, publicafo na revista Nature, liderado por expertos da NASA no que se analiza cun detalle ata o de agora non alcanzado o proceso de elevación do nivel de mares e océanos a escala planetaria e as causas ambientais e antropoxénicas deste proceso.

Como os científicos explicaron reiteradamente, o nivel do mar atópase sometido a variacións determinadas, entre outras causas, pola temperatura da auga (polo fenómeno de expansión térmica) ou a achega de auga procedente de masas de xeo existentes en zonas terrestres (glaciares de zonas de montaña e superficies xeadas na Antártida, por exemplo).  

O aumento da temperatura da auga, derivada de forma inequívoca polo cambio climático provocado por accións humanas como a combustión de hidrocarburos (entre outras causas) e o proceso de desxeo, tamén por efecto do quecemento, de grandes masas de auga xeada en zonas de alta montaña, as terras árticas e a Antártida sumáronse nas últimas décadas ata producir unha elevación do nivel do mar a escala global claramente superior á rexistrada a principios e mediados do século XX, como se observa con claridade nun dos gráficos difundidos pola NASA para documentar este estudo científico.

 

Evolución do proceso de elevación do nivel do mar, media de todo o planeta, nos últimos 100 anos (NASA) 

 O aumento da temperatura da auga é, xunto ao  derretimiento do xeo en zonas terrestres (xeos continentais), a principal causa da elevación do nivel do mar. Este proceso de debe á expansión térmica da auga. A auga cando sobe de temperatura aumenta de volume. A máxima densidade da auga, é dicir, cando a auga está máis concentrada, ocupa menos volume, é a 4 graos centígrados (sobre cero).

Cando a temperatura da auga empeza a subir, a partir destes 4 graos, perde densidade e por tanto, aumenta de volume. En consecuencia, o nivel do mar está a aumentar tamén por causa do aumento da temperatura da auga mariña.

FONTE: Joaquim Elcacho/lavanguardia.com/natural