CANTO SABES DE XEOLOXÍA? XVIII

Continúo coa serie Canto sabes de xeoloxía? A xeoloxía é o estudo da Terra, dos materiais de que está feita, a estrutura deses materiais e os procesos que actúan sobre eles. Inclúe o estudo de organismos que habitaron o noso planeta.

A contestación correcta á pregunta de onte é Entre 2 e 64 mm de diámetro. O  lapilli está xerado en erupcións explosivas a partir da fragmentación da lava que recubre as burbullas de gas que ascenden cara á superficie e explotan pola diferenza da súa presión interna coa da contorna. Os piroclastos de tamaño inferior a 2 mm de diámetro denomínanse cinsa e os superiores a 64 mm de diámetros bombas volcánicas.

E imos coa pregunta de hoxe!

18. Poderías identificar este mineral dourado. Fíxate ben na fotografía!

- Ouro nativo

- Pirita

- Cobre nativo

Mañá a solución e unha nova pregunta!

FONTE: Idea orixinal muyinteresante.es/ciencia e wikipedia.org      Imaxe: Antonio del Álamo/regmurcia.com