ENCRUCILLADO XCVI

VERTICAIS: 1. Trastorno mental no que o enfermo cre ser un lobo e compórtase como tal 2. Cada unha das follas transformadas que constitúen o xineceo da flor 3. Voz inglesa que designa unha ferramenta de uso frecuente que se utiliza en varias ocupacións e traballos para unha ampla diversidade de propósitos, como pelar ou quitar o plástico illante aos cables eléctricos 4. Parte da plataforma continental de América do Norte no océano Atlántico na que as condicións naturais favorecen o desenvolvemento da maior zona de pesca do mundo, e na que se afundiu recentemente o pesqueiro galego "Villa de Pitanxo" 5. Persoa que blasfema 6. Unidade monetaria principal dos Países Baixos ata a adopción do euro.

HORIZONTAIS: 2. Elemento químico metálico do grupo dos lantánidos, dúctil e maleable, de cor semellante á do ferro e brillo intenso e de símbolo Ce 7. Substancia graxa e negra que o fume deposita na superficie dos corpos que están ao seu alcance 8. Parte das matemáticas que estuda as relacións numéricas entre os elementos dos triángulos 9. Planta herbácea anual da familia das leguminosas, de follas imparipinnadas, flores rosadas ou brancas, froito en legume e de nome científico Ornithopus sativus.