CANTO SABES SOBRE AMÉRICA? XIX

Continúo coa serie, que onte comezamos sobre América, é o segundo continente máis grande da Terra, despois de Asia.

A contestación correcta á pregunta de onte é George Washington. nado en Wakefield, condado de Westmoreland, Virxinia (América británica) o 22 de febreiro de 1732 e finado en Mount Vernon, Virxinia (Estados Unidos) en 1799, foi o primeiro presidente dos Estados Unidos entre 1789 e 1797 e Comandante en Xefe do Exército Continental revolucionario na Guerra da Independencia dos Estados Unidos (1775-1783). Nos Estados Unidos está considerado como o Pai da Patria, e mais como un dos Pais Fundadores dos Estados Unidos xunto con John Adams, Benjamin Franklin, Alexander Hamilton, John Jay, Thomas Jefferson e James Madison. Na fotografía da pregunta de onte correspondia a imaxe da esquerda. O segundo presidente foi John Adams entre 1797e 1801.

E imos coa pregunta de hoxe!

19. Na imaxe superior tes o famoso Canón do Colorado. Pero en que Estado dos EE UU está?

- Texas

- Arizona

- Colorado

- Novo México

Mañá a solución e unha nova proposta!

FONTE: es.wikipedia.org          Imaxe: es.wikipedia.org