CANTO SABES DE ALEMAÑA? VI

Continúo coa serie sobre Alemaña, ese país situado no corazón de Europa, membro da Unión Europea e o motor da economía e a industria do vello continente.

A contestación correcta á pregunta de onte é República Parlamentaria Federal. Constituído en Estado social e democrático de dereito, a súa forma de goberno é a república parlamentaria e federal, formado por estados federados (Bundesländer ou Land). O municipio Büsingen am Hochrhein, situado en Suíza, tamén forma parte de Alemaña. O Xefe do Estado é o Presidente Federal elixido pola Asemblea Federal (Bundesversammlung), órgano constitucional que se reúne exclusivamente para estes efectos. O Presidente Federal asume funcións representativas e como gardián da Constitución exerce un papel de moderador da vida política. O poder executivo é exercido polo goberno federal, presidido polo Chanceler, único membro do Goberno elixido polo Parlamento (Bundestag), e que só responde e dá conta da súa xestión ante o Parlamento.

E imos coa pregunta de hoxe!

6. Acabamos de dicir que Alemaña está formada por estados federados (Bundesländer), pero cantos?

- 12

- 14

- 16

- 18

Mañá a solución e unha nova pregunta!

FONTE: es.wikipedia.org e exteriores.gob.es         Imaxe: commons.wikimedia.org e tatsachen-ueber-deutschland.de/es