CANTO SABES DE BÉLXICA? XIV (FIN)

Remato coa serie, adicada a Bélxica, un país pequeno pero cheo de historia e cultura. Situado no noreste de Europa é un dos vinte e sete Estados soberanos que forman a Unión Europea. Ademais, é o fogar da Unión Europea e a OTAN.

A contestación correcta á pregunta de onte, e última da serie, é Monarquía federal constitucional e parlamentaria.

Xefe de Estado: Felipe (Philippe Léopold Louis Marie de Belgique)  Primeiro ministro: Alexander de Croo

Parlamento: Monarquía parlamentaria. A Cámara de Deputados está composta por 150 membros elixidos directamente mediante un sistema electoral proporcional.

O Senado está composto por 71 membros, dos cales 40 son elixidos directamente (15 polos votantes francófonos e 25 polos flamencos, existindo outros 21 membros procedentes de eleccións de segundo grao en representación das Comunidades). En ambos os órganos as eleccións son cada 4 anos. As tres Rexións contan así mesmo con asembleas lexislativas -Consellos- cuxos deputados son elixidos directamente cada 5 anos. As eleccións provinciais e locais son cada 6 anos.

Niveis de goberno: Baixo o sistema de monarquía constitucional parlamentaria, Bélxica é, desde 1993, un Estado Federal cuxa organización político administrativa divídese en tres niveles: o Estado federal, as Comunidades e as Rexións. Divídese en 3 rexións e 10 provincias: a rexión de Bruxelas, a rexión flamenca con 5 provincias (Anveres, Limburgo, Flandes Oriental, Brabante Flamenco, e Flandes Occidental) e a rexión Valona con outras 5 provincias (Brabante Valón, Hainaut, Lieja, Luxemburgo e Namur)

E así remato esta serie, esperando que servise para coñecer mellor este país.

Ata a próxima serie!

FONTE: es.wikipedia.org        Imaxes: es.wikipedia.org