CANTO SABES DE ISLANDIA? XV

Continúo coa serie adicada a Islandia, esa illa europea situada no océano Atlántico, coñecida pola súa impresionante paisaxe volcánica, glaciares e auroras boreais. País cunha poboación relativamente pequena, onde a enerxía renovable e o turismo son piares importantes da súa economía.

A contestación correcta á pregunta de onte é NON. Islandia non é membro da Unión Europea, pero si forma parte do Espazo Económico Europeo (EEE). O EEE permite a Islandia participar no mercado interior da UE, beneficiándose da libre circulación de persoas, mercadorías, servizos e capitais. Aínda que Islandia solicitou a adhesión á UE en 2009, as negociacións interrompéronse e actualmente non hai plans para retomalas.

 E imos coa pegunta de hoxe e última da serie!

15. Cando os primeiros humanos chegaron a Islandia atoparonse con…

- 1. Lagartos

- 2. Ras

- 3. Raposos polares

Mañá a solución e fin da serie!

FONTE: es.wikipedia.org    Imaxes: saberpractico.com, es.wikipedia,org e vertebradosibericos.org