CANTO SABES DE NEPAL? VII

Continúo coa serie adicada a Nepal, que non só é o país das montañas maxestosas e os templos sacros. É tamén unha terra onde as tradicións milenarias seguen vivas en cada xesto cotián, en cada celebración, en cada palabra.

A contestación correcta á pregunta de onte é República. Oficialmente República Democrática Federal de Nepal. Ata 1990 Nepal foi unha monarquía absoluta. A constitución de 1990 definiu ao Estado nepalí como unha monarquía parlamentaria hindú. A constitución provisional de decembro de 2007 aboliu a monarquía e proclamou a república. A actual constitución, en vigor desde 2015, define a Nepal como unha República Parlamentaria Federal. O presidente ostenta poderes esencialmente cerimoniais e é elixido indirectamente por un colexio electoral
formado por membros da cámara baixa e das asembleas parlamentarias
provinciais. Á fronte do Consello de Ministros está o primeiro ministro, nomeado polo presidente tras solicitar o respaldo da cámara baixa. O parlamento federal está composto por unha cámara baixa (Cámara de Representantes) e unha cámara alta (Asemblea Nacional). O Tribunal Supremo actúa como tribunal de casación e existen 16 tribunais de apelación e 75 de distrito.

E imos coa pregunta de hoxe!

7. Nepal esta organizado territorialmente en provincias (नेपालका प्रदेशहरू; Nepalka Pradeshaharu), pero en cantas?

- 5

- 6

- 7

- 8

Mañá a solución e unha nova proposta!

FONTE: es.wikipedia.org    Imaxes: es.wikipedia.org e sitio-nepal.neocities.org