O mes de agosto remata e SETEMBRO chega: EXAMEEEEESSSSS!
É unha segunda oportunidade para superar esas materias que impiden pasar ao curso seguinte.
Que aínda non sabes, ou non lembras, a que hora e en que aula tes mañá ou os próximos días os exames?
Aquí tes a solución, preme AQUÍ.
Boa sorte!
A Xefatura de Estudos do noso IES fixo público o calendario das probas extraordinarias de setembro 2015, que se desenvolveran os días 1 (martes), 2 (mércores) e 3 (xoves).
No referente a materia de Ciencias da Natureza estas son as datas:
Alumnado de 2º ESO con materia pendente de 1º ESO: día 2, ás 9 horas, no salón de actos.
Alumnado de 1º ESO: día 3, ás 12:30, na aula 3.
Alumnado de 2º ESO: día 3, ás 12:30, na aula 3.
Para o resto de materias, podedes consultalo premendo AQUÍ.
FOTE: centros.edu.xunta.es/iesasangrina
Estes son os libros de texto, da miña materia, para o próximo curso escolar 2015-2016. No refrente a 1º ESO, debido á implantación da LOMCE, prodúcese unha modificación do curriculo con respecto ao curso anterior, polo que hai que poñer un libro novo, sendo este o primeiro que vedes na imaxe superior: BIOLOXÍA E XEOLOXÍA ESO 1, da Editorial ANAYA, en lingua galega e co ISBM: 978-84-678-5181-6.
No caso de 2º ESO, ao non ter aplicación da nova lei (que será no curso 2016-2017, pasándose a chamar Física e Química), mantense o libro do ano pasado, o que vedes na parte dereita da imaxe superior: CIENCIAS DA NATUREZA 2 EDUCACIÓN SECUNDARIA, da Editorial ANAYA, en lingua galega e co ISBN: 978-84-678-2376-9.
Coa chegada da LOMCE no curso pasado a Primaria (1º,3º e 5º), e con rumores de que non se seguirá aplicando, afectaríalle a súa implantación no próximo curso ao resto de Primaria e, ao que interesa no noso IES, a 1º e 3º ESO e 1º Bacharelato.
O DOGA publicou o pasado día 17 o calendario para o próximo curso, que queda do seguinte xeito:
* Na educación secundaria obrigatoria, no bacharelato e na formación profesional a impartición efectiva de clases realizarase do día 15 de setembro de 2015 ao 22 de xuño de 2016, ambos inclusive.
* Períodos de vacacións:
Nadal: desde o día 21 de decembro de 2015 ata o día 6 de xaneiro de 2016, ambos inclusive.
Entroido: días 8, 9 e 10 de febreiro de 2016.
Semana Santa: desde o día 21 ata o 28 de marzo de 2016, ambos inclusive
* Días non lectivos:
Día do Ensino: 30 de outubro de 2015.
Día de Santa Tegra: 23 de setembro de 2015
Outro día a propoñer pola Comunidade Educativa
Para máis información sobre o calendario preme AQUÍ.
Por fin! O último día de clase!
O proximo luns e martes serán as avaliacións, na que o profesorado xúntase para decidir o noso futuro escolar.
O mércores ás 12:30 horas será a entrega de notas na aula de referencia.
E despois... VACACIÓNS!
Boa sorte a tod@s!
A Consellería de Educación e Ordenación Universitaria acaba de publicar a normativa sobre a gratuidade solidaria de libros de texto para o próximo curso escolar 2015-2016, que selevará a cabo mediante dous procedementos:
1. Axudas para a adquisición de libros de texto (para o alumnado que repita 1º ESO ou alumnos que se incorporen de 6º de Primaria).
A finalidade das axudas é a adquisición exclusivamente de libros de texto (non se pode adquirir con cargo ao vale material didáctico nin complementario).
O alumnado ten a obriga de conservar en bo estado os libros de texto adquiridos na súa integridade con cargo ao importe das axudas, así como incorporalos, ao rematar o curso escolar 2015/2016, ao fondo solidario constituído no centro (banco de libros).
Entre os requisitos destaca ter unha renda per cápita familiar igual ou inferior a 9.000 euros.
As axudas oscilan entre os 104 e 180 euros.
O prazo de presentación de instancias será para o alumnado que 6º de primaria que promociona a 1º ESO cando formalice a matrícula no prazo ordinario: do 25 de xuño ao 27 de xullo de 2015, ambos inclusive. Para o alumnado que repita 1º ESO cando formalice a matrícula, despois das probas de setembro, no prazo extraordinario: do 2 de setembro ao 2 de outubro de 2015, ambos inclusive.
Para ampliar esta información preme AQUÍ.
2. Fondo solidario de libros de texto (Alumnado que promociona a 2º ESO).
Entre os requisitos destaca ter devolto os libros de texto e/ou material reutilizable adquirido coas axudas do curso 2014/2015.
O uso dos libros de texto dispoñibles asignarase por orde inversa á renda per cápita da unidade familiar.
A presentación da solicitude implicará que se compromete a conservar os libros de texto e material recibidos en bo estado, e a devolvelos ao fondo solidario de libros de texto ao finalizar o curso 2015/16.
O prazo de solicitude remata o 30 de xuño.
Para ampliar esta información preme AQUÍ.
De volta! / Imaxe:sabedorianolar.com
Despois de recibir, onte, o prace do médico oftalmólogo que me permite usar o ordenador, volvo a publicar. No refrente a alta médica profesional, de non haber atrancos, volverei o xoves da próxima semana, día 23.
Un saúdo
VÍCTOR
Este blog estará inactivo por motivo dunha operación ocular. No momento que o médico oftalmólogo mo permita volverei de novo a publicar. Profesionalmente, tardarei algo máis, ata que me firmen a alta médica. Espero que sexa pronto!
Unha aperta
VÍCTOR