COMUNICADOS

AMPLIACIÓN DE PRAZO

O I CONCURSO DE FOTOGRAFÍA convocado pola AXENDA 21 ESCOLAR do IES A Sangriña, amplia o prazo de presentación ata finais deste mes de febreiro.

Esperamos que deste xeito se incremente notablemente o número de participantes. ¡PARTICIPA!

Recordamos as bases:

Participantes: Poderán participar tódolos membros da comunidade educativa (alumnos, pais, profesores e persoal non docente).

Datas de presentación: Entre o 1 de decembro e o 15 de febreiro. AGORA ATA FIN DE FEBREIRO.

Temática: Paisaxe (natural e humanizado), impacto ambiental, patrimonio artístico, denuncia medioambiental, feismo, e todo o que que teña que ver co medio ambiente, sempre circunscrito á Comarca do Baixo Miño.

Presentación: Os traballos serán orixinais, presentándose en formato 20 X 25. Sería aconsellable que tamén se presente en formato dixital a efectos de facer un álbum fotográfico nese formato. En caso de non ser presentado deste segundo xeito serán escaneadas as fotos, perdendo polo tanto cualidade á hora de facer o citado álbum.

Cada fotografía ira acompañada dun título e un pequeño texto ou pequeño relato, onde o autor explique a idea que plasma a fotografía.

Entregarase nun sobre e compañánda doutro cerrado que conteña o nome e apelidos e teléfono de contacto. Á entrega, que se fará na secretaría do centro, numerarase a fotografía e o sobre cerrado, para manter identificada a foto e manter anónimo a identidade do autor.

O nº máximo de fotografías por persoa será de 3.

Exposición e resultados: Desde o 3 ao 7 de marzo haberá unha exposición pública dos traballos. Tódolos membros da comunidade educativa do centro serán xuíces de tal evento, podendo depositar a súa votación en urna (1 por persoa na que aparezan 2 números distintos correspondentes a 2 fotografías) en horarios que se farán públicos entre o 3 e 7 de marzo, días da exposición. Entre os votantes farase o sorteo dun agasallo pen drive.

Categorías e premios : Existirá unha única categoría. Entregaranse 3 premios:

1º clasificado – Diploma e unha cámara dixital.

2º clasificado – Diploma e un MP3.

3º clasificado- Diploma e pen drive.

A entrega de premios será o último día de clase do 2º trimestre, 14 de marzo.

Bases: A participación no presente concurso leva consigo a plena aceptación destas bases.

As fotografías pasaran a ser propiedade da Axenda 21 Escolar de Galicia/IES A Guarda, podendo ser utilizadas en calquera campaña que a Axenda 21 faga a nivel escolar ou supraescolar.

¡ÁNIMO E A PARTICIPAR!

NOVIDADES NA AVALIACIÓN DA E.S.O.

O pasado 7 de xaneiro, o DOGA publicou a Orde do 21 de decembro de 2007 pola que se regula a avaliación na educación secundaria obrigatoria na Comunidade Autónoma de Galicia. Nela hai variacións con respecto ao curso pasado. Entre elas hai que destacar:
* Os resultados das avaliacións terán unha escala numérica do 1 ao 10, desaparecendo o 0.

* Avaliación inicial, a principio de curso, para todos os curso, ata agora só para 1º e 3º.

* Medidas de atención á diversidade para favorecer a adquisición das aprendizaxes imprescindibles para continuar o proceso educativo.

* O Proxecto Interdisciplinar (P.I.) será obxecto de avaliación que proporcionará unha información cualitativa, non cuantitativa.

* O alumnado promocionará ao seguinte curso cando supere os obxectivos de todas as materias cursadas ou teña avaliación negativa en dúas como máximo, repetindo curso cando teña tres ou máis materias avaliadas negativamente. Excepcionalmente, un alumno con tres materias suspensas podera promocionar se o equipo docente considera que a natureza das dificultades non lle impide seguir con éxito o curso seguinte, que ten espectativas favorables de recuperación e que dita promoción beneficiará a súa evolución académica.

*No cómputo das materias para efectos de promoción, consideranse tanto as materias non superadas do propio curso como as dos anteriores. Para estes efectos computaranse como unha única materia as de diferentes cursos que teñan a mesma denominación. O P.I. non computará.

* A materia de ciencias da natureza do 3º curso, desdobrarase en bioloxía e xeoloxía por un lado e física e química por outro, pero manterá a efectos de promoción o seu caracter unitario.

* O alumnado que promocione sen ter superado todas as materias seguirá un programa de reforzo.

* Os alumnos-as con altas capacidades poderá permanecer menos tempo no ciclo.

* O alumnado poderá repetir o mesmo curso unha soa vez e, con carácter xeral, dúas veces como máximo toda a etapa. Excepcionalmente, o alumnado poderá repetir unha segunda vez o cuarto curso se non repetise nos cursos anteriores.

*O alumnado ao remate da ESO que supere todas as materias titulará. Así mesmo, poderán titular aqueles que, finalicen a etapa con avaliación negativa nunha ou dúas materias, e excepcionalmente tres, sempre que o equipo docente considere que o peso e a natureza destas non lle impedíu alcanzar as competencias básicas e os obxectivos da etapa.

* O alumnado con maís de 18 anos, que fose proposto parta o tíulo, que teña avaliación negativa ata un máximo de 5 materias disporá de 2 anos para obter mediante probas anuais para superalas.

* Ao finalizar o 2º curso todos os centros realizarán unha avaliacuión diagnóstico das competencias básicas alcanzadas polo alumnado. Esta proba farase por 1ª vez o próximo curso2008/2009.

Para consultar o texto íntegro da orde pincha en Avaliación na educación secundaria obrigatoria na Comunidade Autónoma de Galicia.

INMERSIÓN LINGÜÍSTICA (VERÁN 2008)

Para o próximo verán a Consellería de Educación convoca un total de 2.800 prazas para realizar actividades de inmersión lingüística (coñecementos doutros idiomas) ás que vós por estar en centros sostidos con fordos públicos podedes solicitar. A modo informativo este é o número de prazas:

1º ESO: 200 prazas en residencias e campañentos do territorio español. Idioma INGLÉS.

2º ESO: 500 prazas en residencias de: 300 Reino Unido, 100 Irlanda e 100 Francia.

3º ESO: 700 prazas en residencias e familias de: 500 Reino Unido, 100 Irlanda e 100 en Francia.

3º ESO: 800 prazas en residencias e familias de: 700 Reino Unido, 100 Irlanda e 100 en Francia.

Para bacharelato tamén hai prazas.

Se estás interesado pincha en: INMERSIÓN LINGÜÍSTICA VERÁN 2008

ACTIVIDADE DE REUTILIZACIÓN DE ANABAM

MERCADIÑO/TROCO

REDUCIR -REUTILIZAR

RECICLAR

Unha nova sección nace en ANABAM coa idea de evitar o malgasto e a cultura de tirar.

Moitas das cousas que a un non lle serven, poda que sexa útil a outros. Así que, nesta sección podedes enviarnos as vosas propostas de adquisición, doazón, intercambio.

INTERASDOS PINCHAR EN: ANABAM

O MUNDO DAS ÁRBORES: EXPOSICIÓN

A exposición didáctica "O Mundo das Árbores" pretende achegar á sociedade os aspectos máis interesantes e curiosos deste mundo natural.
A exposición está formada por máis dunha trintena de paneis fotográficos de gran formato, ademais de mostras de cortes de madeira, nas que se poden apreciar os aneis de crecemento e detalles da casca, ou un sementeiro, entre outros elementos.
Cada fotografía vai acompañada dun texto no que se describen os aspectos máis importantes de cada árbore e algúns dos datos máis singulares como as súas dimensións, enfermidades, pragas, crecemento e usos tradicionais.

Próxima exposición:

• Concello de A Guarda

Centro Cultural - Sala de Exposicións de A Guarda

R/ Rosalía de Castro, s/n

Datas: do 15 ao 31 de xaneiro de 2008

Horario: de 10:00 a 13:00 horas e de 17:00 a 20:00 horas

DE VOLTA

Non queda máis remedio.

Hai que volver ás clases. Espero que coas pilas cargadas para levar este 2º trimestre. Por certo, esto é o que nos depara:

8 de xaneiro (martes): Comenzo de clases.

4 e 5 de febreiro (luns e martes): Vacacións de Entroido.

14 de marzo (venres): Entrega de notas e comenzo das vacacións de Semana Santa.

Eso si, reparade que este trimestre é moi importante, xa que pode ser a confirmación da boa marcha do curso ou pola contra o afundimento case definitivo. ¡ANIMO E A TRABALLAR!

ROUTEIRO POLA DESEMBOCADURA DO MIÑO

 

ANABAM, organiza un routeiro pola desembocadura do río Miño. Será o próximo 5 de xaneiro (sábado) e o punto de saída é a Estación Ornitolóxica de Camposancos ás 10,30 horas.

Para máis información sobre esta actividade pincha en:ROUTEIRO

 

NOTAS DA 1ª AVALIACIÓN

Tedes as notas desta 1ª avaliación especificadas (probas, libreta, prácticas, negativos, proba de avaliación e nota definitiva). Lembrade que entre paréntese aparece a nota redondeada que sairá no boletín de cualificación que se entregarán o venres 21 ás 11 horas na vosa aula de referencia polo profesor/a titor/a.

Para velas, agora en durante todo o curso, pinchade en  DÍA A DÍA, enlace que está na parte dereita da portada.