DOCENCIA

CANTO SABES DA HISTORIA DA HUMANIDADE? XVIII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é 1909. Coñécese co nome de Semana Tráxica aos sucesos acontecidos en Barcelona e outras cidades de Cataluña entre o 26 de xullo e o 2 de agosto de 1909. O desencadenamento destes violentos eventos foi o decreto do goberno de Antonio Maura de enviar tropas de reserva á guerra de Melilla, que causou un forte descontento social por ser a maioría destes reservistas pais de familia das clases obreiras. Os sindicatos convocaron unha folga xeral e o exército levou a cabo unha dura represión para dominar os disturbios. O balance dos disturbios supuxo un total de 78 mortos (75 civís e 3 militares); medio milleiro de feridos e 112 edificios incendiados (80 relixiosos). Detiveron a varios milleiros de persoas, das que 2.000 foron procesadas, resultando 175 penas de desterro, 59 cadeas perpetuas e 5 condenas á morte. Ademais clausuráronse os sindicatos e ordenouse o peche das escolas laicas.

E imos coa pregunta de hoxe!

18. En que ano comexou a Segunda Guerra Mundial?

- 1936

- 1939

- 1945

- 1947

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: semanatragicadebarcelona.blogspot.com e es.wikipedia.org

CANTO SABES DA HISTORIA DA HUMANIDADE? XVII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Grecia. Os Xogos Olímpicos de 1896 foron os primeiros Xogos da era moderna e foron realizados en Atenas (Grecia), berce dos xogos da antigüidade, entre os días 6 e 15 de abril de 1896, coa participación de 241 atletas, todos homes, representando catorce países, grazas ao empeño visionario do francés Pierre de Frédy, o Barón de Coubertin, idealizador do renacemento dos xogos existentes na Grecia antiga, mentor do movemento olímpico e fundador do Comité Olímpico Internacional.

E imos coa pregunta de hoxe!

17. En que ano sucedeu a Semana Tráxica de Barcelona?

- 1809

- 1909

- 1939

Mañá a solución e outra nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

CANTO SABES DA HISTORIA DA HUMANIDADE? XVI

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é John Wilkes Booth. Abraham Lincoln, nado preto de Hodgenville, Kentucky, o 12 de febreiro de 1809 e finado en Washington o 15 de abril de 1865, foi un avogado e estadista estadounidense que exerceu como 16º presidente dos Estados Unidos desde 1861 ata o seu asasinato en 1865. Lincoln foi asasinado por John Wilkes Booth, un simpatizante da causa do sur. O 14 de abril de 1865, cinco días despois da rendición sudista, John Wilkes Booth soubo que un mensaxeiro da Casa Blanca chegara á Ford’s Opera House, un prestixioso teatro de Washington, anunciando que á representación daquela noite asistirían o presidente Lincoln e a súa esposa Mary. John Booth era un novo actor bastante estimado polo público que anos antes abrazara a causa sudista. Abraham e Mary Lincoln ocuparon puntualmente o seu palco. A obra deu comezo despois de que os presentes ovacionasen ao seu presidente e á primeira dama. John Booth chegou pouco despois, saudou ao empregado da entrada e dirixiuse cara ao palco presidencial sen que ninguén lle cortase o paso. Ía elegantemente vestido, era un actor recoñecido e coñecía perfectamente os carreiros dun teatro no que traballara decenas de veces. Cando entrou no palco, o presidente achábase inclinado cara adiante. Sostiña a man da súa muller na súa e presentaba o seu perfil esquerdo ao executor. Este adiantouse sigilosamente empuñando unha Derringer, pistola de pequeno tamaño e dun só disparo. Achegouna á cabeza de Lincoln e disparou. Unha fumareda azul encheu o palco. O presidente apenas se moveu: só a súa cabeza se recostó lentamente contra o seu peito. Booth brandiu un puñal para que ninguén lle detivese e exclamou: "Sic semper tyrannis!" (Así chega sempre a morte aos tiranos), palabras postas en boca de Bruto no momento de apuñalar a Julio César, que tamén son a divisa do estado de Virginia. Logo precipitouse cara á varanda, gritou de novo: "O Sur foi vingado!", e caeu pesadamente no palco de butacas, rompéndose unha perna. Con todo, logrou levantarse e fuxiu coxeando. Mary lanzou un chillido e sobreveu unha extraordinaria axitación. Lincoln morreu ao día seguinte pouco despois das sete da mañá, a hora á que habitualmente empezaba a traballar.

E imos coa pregunta de hoxe!

16. Onde se celebraron as primeiras olimpíadas modernas de 1896?

- Francia

- Italia

- Grecia

- Inglaterra

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e biografiasyvidas.com   Imaxe: buigrafiasyvidas.com e es.wikipedia.org

CANTO SABES DA HISTORIA DA HUMANIDADE? XV

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Haití. A Independencia de Haití é un evento  histórico que tivo lugar no ano 1804 na illa da Española, que nese entón estaba dividida en dúas colonias: Santo Domingo, gobernada por España, e a parte occidental coñecida como Saint-Domingue, que estaba baixo o dominio de Francia. Este proceso foi liderado por Toussaint Louverture, un ex escravo que se converteu en líder da revolución e logrou derrotar ás forzas coloniais. O 1 de xaneiro de 1804, Jean-Jacques Dessalines proclamou a independencia de Haití e estableceu o primeiro estado independente liderado por afrodescendientes no hemisferio occidental. Haití converteuse así na segunda nación independente de América, despois de Estados Unidos.

E imos coa pregunta de hoxe!

15. Quen asasino a Abraham Lincoln?

- Le Harvey Oswald

- James Earl Ray

- John Wilkes Booth

- Leon Czolgosz

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: historiauniversal.org e es.wikipedia.org

CANTO SABES DA HISTORIA DA HUMANIDADE? XIV

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é ENIAC. O Electronic Numerial Integrator And Computer (ENIAC, "Computador e Integrador Numérico Electrónico"), foi a primeira computadora de propósito xeral. Era Turing-completa, dixital, e susceptible de ser reprogramada para resolver «unha extensa clase de problemas numéricos». Foi inicialmente deseñada para calcular táboas de tiro de artillaría destinadas ao Laboratorio de Investigación Balística do Exército dos Estados Unidos de América. Pero hai que facer unha precisión, unha humilde calculadora mecánica chamada Z1 é considerada con gran consenso en todo o mundo como a primeira computadora do mundo. Con todo, as controversias neste sentido viran a que o dispositivo non ofrecía un propósito xeral. Por este simple motivo en certos aspectos non pode considerarse como unha verdadeira computadora, xa que só podía facer cálculos matemáticos.

E imos coa pregunta de hoxe!

14. Cal foi o primeiro país en independizarse de España en América?

- Chile

- Haití

- Venezuela

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: ambito.com/tegnologia e mapadeamerica.net

CANTO SABES DA HISTORIA DA HUMANIDADE? XIII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Martín Lutero. Nado en Eisleben o 10 de novembro de 1483 e finado no mesmo lugar o 18 de febreiro de 1546, Lutero foi un teólogo, filósofo e frade católico agostiño que comezou e impulsou a Reforma protestante en Alemaña e cuxos ensinos inspiraron a doutrina teolóxica e cultural denominada luteranismo. O potestantismo salienta a xustificación dos pecadores só pola fe, o ensino de que a salvación vén pola graza divina inmerecida, o sacerdocio de todos os crentes, e a Biblia como a única fonte infalible de autoridade para a fe e as prácticas cristiás.

E imos coa pregunta de hoxe!

13. Cal foi o nome da primeira computadora de propósito xeral?

- ENIAC

- INIAC

- CAINE

- CNIEC

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org e azulweb.net

CANTO SABES DA HISTORIA DA HUMANIDADE? XII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Escándalo de Watergate. O Watergate foi un escándalo político que supuxo unha crise constitucional nos anos setenta nos Estados Unidos de América. O escándalo tomou o nome do hotel de Washington, D.C. sede do comité electoral demócrata, no que tivo lugar un roubo de documentos e concluíu coa dimisión do presidente Richard Nixon. En 1972 o partido demócrata establece nel a súa sede de preparación para as eleccións a presidente. Lidera esta operación o senador McGovern, que está oposto ao apoio dos Estados Unidos de América á guerra de Vietnam. Richard Nixon presidente en función anda mal de popularidade e para enfrontarse á campaña electoral utilizou métodos ilegais. Neste contexto o edificio foi o escenario dun episodio de espionaxe. Aínda que algúns elementos non quedasen aclarados, a consecuencia do escándalo foi a dimisión de Nixon e a limitación de poderes do executivo: de aí en diante o senado puido vixiar ao FBI, a CIA, e a empresas internacionais.

E imos coa pregunta de hoxe!

12. Quen empezou a reforma cara ao protestantismo?

- John Calvin

- Francis Bacon

- Voltaire

- Martín Lutero

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: misrevistas.com e bibliatodo.com

CANTO SABES DA HISTORIA DA HUMANIDADE? XI

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Johannes Gutenberg. Johannes Gensfleish zur Laden zum Gutenberg, nado en Maguncia en c. 1398 e finado o 3 de febreiro de 1468, foi un ferreiro, ourive, impresor, e editor alemán que introduciu a impresión en Europa, sendo coñecido polas súas contribucións á tecnoloxía da impresión ao menos en tres dos seus procesos: nas matrices ou pranchas de impresión de tipos móbiles, na prensa e nas tintas para transferir os tipos ao pergamiño ou ao papel. O seu invento fixo posible a publicación de libros en grandes cantidades e foi un dos factores máis decisivos para a difusión das ideas do Renacemento en toda Europa.

 

E imos coa pregunta de hoxe!

11. Cal foi o escándalo que forzou ao presidente dos Estados Unidos Richard Nixon a renunciar ao cargo?

- Escándalo de Lewinsky

- Escándalo de Watergate

- Escándalo Irán-Contra

- Controversia de Whitewater

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org