DOCENCIA

CANTO SABES DA HISTORIA DA HUMANIDADE? XXXII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Aristarco. Aristarco de Samos (c. 310 a. C.-c. 230 a. C.) foi un astrónomo e matemático grego, nacido en Samos, Grecia. Foi a primeira persoa coñecida que propuxo o modelo heliocéntrico do sistema solar, colocando o Sol, e non a Terra, no centro do universo coñecido. Esta proposta fíxoa despois de estudar a distancia e o tamaño do Sol (determinou que o Sol era moito máis grande que a Terra). Aristarco foi un dos moitos sabios que fixo uso da emblemática Biblioteca de Alexandría, na que se reunían as mentes máis privilexiadas do mundo clásico. Os seus traballos orixinais perdéronse probablemente nun dos varios incendios que padeceu a Biblioteca. Do modelo heliocéntrico de Aristarco só nos quedan as citas de Plutarco e Arquímedes. Non foi ata os traballos de Copérnico, uns mil setecentos anos máis tarde, que empezou a exporse o modelo heliocéntrico como unha alternativa consistente.

E imos coa pregunta de hoxe!

32. En que ano sucedeu a chamada Gran Depresión?

- 1900

- 1914

- 1929

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: filosofia.laguia200.com e es.wikipedia.org

CANTO SABES DA HISTORIA DA HUMANIDADE? XXXI

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é 1989. A caída do Muro de Berlín foi unha revolta popular producida na capital de Alemaña Oriental, Berlín Oriental, o 9 de novembro de 1989, como consecuencia da cal quedaron derrubadas as fortificacións defensivas que a separaban de Berlín Occidental (que non pertenecia a Alemaña Occidental), xunto á fronteira aberta de facto (historicamente a separación entre os antigos sectores de ocupación estadounidense, británico e francés e o sector de ocupación soviético). Considérase un dos acontecementos transcendentes na historia mundial, que marcou o fin do Telón de aceiro. A caída da fronteira de Alemaña Oriental con Alemaña Occidental tivo lugar poucas horas despois. Este feito puxo punto final á Guerra Fría, o que foi proclamado no Cume de Malta tres semanas máis tarde, e deu lugar á reunificación de ambas as Alemanias menos de 11 meses despois.

E imos coa pregunta de hoxe!

31. Quen foi a primeira persoa coñecida que propuxo o Modelo Heliocéntrico do Sistema Solar?

- Arquímides

- Ptolomeo

- Aristarco

- Copérnico

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

CANTO SABES DA HISTORIA DA HUMANIDADE? XXX

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é 116. A guerra dos Cen Anos foi un conflito armado que durou 116 anos, do 24 de maio de 1337 ao 19 de outubro de 1453, aínda que de forma intermitente, e tivo aos reinos de Francia e Inglaterra como principais contendentes aínda que nalgunhas etapas tamén se viron involucrados outros territorios como o Reino de Navarra ou o Ducado de Borgoña. Outros reinos e señoríos europeos tamén se viron afectados aínda que en menor medida e por menor tempo. Para algúns historiadores sería a primeira gran guerra internacional europea. Posiblemente sexa o conflito europeo de maior duración. O conflito foi de natureza esencialmente feudal, pois o seu propósito era resolver quen controlaría as terras adicionais que os monarcas ingleses acumularan desde 1154 en territorios franceses, tras o ascenso ao trono de Inglaterra de Enrique II Plantagenet, conde de Anjou. A guerra saldouse finalmente coa derrota de Inglaterra e a consecuente retirada das tropas inglesas de terras francesas (salvo da cidade de Calais).

E imos coa pregunta de hoxe!

30. En que ano se produciu a caída do Muro de Berlín?

- 1980

- 1989

- 1992

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: wikimwdia commons e es.wikipedia.org

CANTO SABES DA HISTORIA DA HUMANIDADE? XXIX

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Alexander Fleming. Nado na granxa Lochfield, preto de Darvel, en Ayrshire, Escocia, o 6 de agosto de 1881 e finado en Londres o 11 de marzo de 1955. Este científico británico é célebre por descubrir a proteína antimicrobiana chamada lisozima e mais o antibiótico penicilina obtido a partir do fungo Penicillium notatum (que tamén foi chamado Penicillium chrysogenum e hoxe Penicillium rubens). A súa descuberta da penicilina significou unha mudanza drástica para a medicina moderna, iniciando a chamada Era dos antibióticos.

E imos coa pregunta de hoxe!

29. Cantos anos durou a Guerra dos Cen Anos?

- 100

- 102

- 110

- 116

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

CANTO SABES DA HISTORIA DA HUMANIDADE? XXVIII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Inca. A civilización inca, tamén chamada civilización incaica ou civilización quechua, foi a derradeira das grandes civilizacións precolombianas que conservou o seu Estado independente durante a conquista de América. Coa extensión do imperio, esta foi absorbendo novas expresións culturais dos pobos incorporados, e situouse nos actuais territorios do Perú, Bolivia, Ecuador, a Arxentina e Colombia. Machu Picchu ("montaña vella") é o nome contemporáneo que se lle dá a unha llaqta (antigo poboado andino inca) de pedra construída principalmente a mediados do século XV no promontorio rochoso que une as montañas Machu Picchu e Huayna Picchu na vertente oriental dos Andes Centrais, no sur do Perú e a 2430 msnm, altitude da súa praza principal.

E imos coa pregunta de hoxe!

28. Localiza o cientifico con esta pista: o seu descubrimento é un dos que máis vidas salvou na historia da humanidade.

- Robert Koch

- Alexander Fleming

- Carlos Juan Finlay

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: okdiario.com e es.wikipedia.org

CANTO SABES DA HISTORIA DA HUMANIDADE? XXVII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Felipe II. A balatta de Lepanto foi un enfrontamento naval que tivo lugar o 7 de outubro de 1571, cando unha frota da Santa Liga (formada polo Imperio español, con FelipeII como rei (1572-1598), os Estados Pontificios, a República de Venecia, a Orde de Malta, a República de Xénova e o Ducado de Savoia), organizada polo papa Pío V, inflixiu unha gran derrota á frota do Imperio Otomán no golfo de Patras. As forzas otomás navegaron cara ao oeste desde a súa estación naval en Lepanto (nome veneciano de Naupacto) cando se atoparon coa frota da Santa Liga que navegaba ao leste desde Messina, Sicilia. Os católicos, liderados por Juan de Austria, resultaron vitoriosos e salváronse tan só trinta galeras otomás. Freouse así o expansionismo otomán no Mediterráneo oriental durante algunhas décadas e provocouse que os corsarios aliados dos otománs abandonasen os seus ataques e expansións cara ao Mediterráneo occidental.

E imos coa pregunta de hoxe!

27. Que civilización contruíu o Machu Picchu?

- Aztecas

- Incas

- Maias

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

CANTO SABES DA HISTORIA DA HUMANIDADE? XXVI

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Primeira Guerra Mundial. A Revolución rusa consistiu no derrocamento do réxime monárquico zarista e a construción dun Estado de tipo socialista, e o seu inicio tivo lugar en Rusia en 1917. Tivo dous momentos: Revolución de Febreiro: Produciuse en marzo de 1917 (febreiro segundo o calendario xuliano que se usaba en Rusia nesa época). Puxo fin ao reinado do tsar Nicolás II e levou á conformación dun goberno provisional integrado por liberais, socialistas e outros sectores políticos. Revolución de Outubro: Ocorreu en novembro de 1917 (outubro segundo o calendario xuliano). Foi un golpe de estado co que os bolxeviques, liderados por Vladimir Lenin, derrocaron ao goberno provisional e instauraron un goberno socialista de tipo soviético, cuxa principal institución foi o Sovnarkom ou Consello de Comisarios do Pobo. Rusia entrou na Primeira Guerra Mundial en agosto de 1914 e formou parte dos Aliados (o Entente), xunto con Francia e Reino Unido. Sufriu desastrosas derrotas como Tannenberg e sufriu máis dun millón de baixas. O colapso económico e militar provocou, entre outras cousas, a Revolución de 1917, tras a cal o novo goberno bolxevique asinou o Tratado de Brest-Litovsk en marzo de 1918, retirándose do conflito.

E imos coa pregunta de hoxe!

26. Na batella de Lepanto, quen reinaba en España?

- Felipe I

- Felipe II

- Carlos I

- Felipe III

- Felipe IV

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: reasilvia.com e historia.nationalgeographic.com.es

CANTO SABES DA HISTORIA DA HUMANIDADE? XXV

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Portugal. O levantamento militar do día 25 de abril de 1974,denominado Revolución dos Caraveis  (en portugués: Revolução dos Cravos), derrubou, nun só día, o réxime político ditatorial que existía en Portugal dende 1926 (coñecido dende 1933 como Estado Novo) e que era o máis lonxevo de Europa, sen grande resistencia das forzas leais ó goberno, que cederon perante o movemento popular, que rapidamente apoiaron ós militares. O levantamento foi conducido polos oficiais intermedios da xerarquía militar (o MFA), na súa maior parte capitáns que tiñan participado na guerra colonial. Considérase, en termos xerais, que esta revolución devolveu a liberdade ó pobo portugués (denominándose "Día da Liberdade" ó día conmemorativo instituído en Portugal para recordar a revolución). A revolución debe o seu nome á reacción popular, que repartiu caraveis ós soldados e estes os puxeron nos canóns das súas armas, simbolizando o seu apoio á revolución.

E imos coa pregunta de hoxe!

25. Con que outro conflito coincidiu a Revolución rusa?

- Primeira Guerra Mundial

- Segunda Guerra Mundial

- Guerra Fría

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: rtve.es e reasilvia.com