DOCENCIA

CANTO SABES DA HISTORIA DA HUMANIDADE? XXXIV

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é 1963. O discurso "I Have a Dream" (Eu teño un soño) foi pronunciado por Martin Luther King Jr. o 28 de agosto de 1963 fronte ao Monumento a Lincoln en Washington, D.C.. É un piar do movemento polos dereitos civís en EEUU, onde esixiu o fin do racismo e a igualdade de dereitos para todos. O discurso tivo lugar durante a "Marcha en Washington polo traballo e a liberdade". Ante unha multitude de máis de 250.000 persoas, King utilizou o simbolismo da Declaración de Independencia e a Proclamación de Emancipación para denunciar que a promesa de igualdade aínda non se cumprira para os afroestadounidenses.

E imos coa pregunta de hoxe!

34. Os atentados terroristas deo 11 de setembro nos Estados Unidos, pero de que ano?

- 2000

- 2001

- 2002

- 2003

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org 

CANTO SABES DA HISTORIA DA HUMANIDADE? XXXIII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é 1929. A Gran Depresión, tamén chamada Crise de 1929, foi unha gran recesión económica que tivo inicio en 1929, e que persistiu ao longo da década de 1930, terminando coa chegada da segunda guerra mundial. É considerada a peor e o máis longo período de recesión económica do século XX. Este período de recesión económica causou altas taxas de desemprego, caídas drásticas do produto interior bruto de diversos países, así como caídas drásticas na produción industrial, nos prezos de accións, e en practicamente todo medidor de actividade económica, en diversos países do mundo. O día 29 de outubro de 1929 é considerado popularmente o comezo da Gran Depresión. Porén, as taxas na caída da produción industrial americana xa comezaran a caer a partir de xullo do mesmo ano, causando un período de leve recesión económica que se estendeu até o 29 de outubro, cando valores de accións na bolsa de valores de Nova York, a New York Stock Exchange, caeron drasticamente no chamado crac da Bolsa de Nova York, desencadeando o Xoves Negro. Así, milleiros de accionistas perderon, literalmente, da noite ao día, grandes sumas de diñeiro. Moitos perderon todo o que tiñan. Esta quebra na bolsa de valores de Nova York empeorou drasticamente os efectos da recesión xa existente, causando unha gran deflación e caída nas taxas de venda de produtos, que á súa vez obrigaron ao peche de moitas empresas comerciais e industriais, elevando así drasticamente as taxas de desemprego. Os efectos da Gran Depresión foron sentidos no mundo enteiro. Estes efectos, aínda que a súa intensidade, variaron segundo o país.

E imos coa pregunta de hoxe!

33. En que data se pronunciou o discurso "I Have a Dream" (Eu teño un soño) de Martin Luther King Jr.

- 1963

- 1964

- 1965

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org e telemundo.com

CANTO SABES DA HISTORIA DA HUMANIDADE? XXXII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Aristarco. Aristarco de Samos (c. 310 a. C.-c. 230 a. C.) foi un astrónomo e matemático grego, nacido en Samos, Grecia. Foi a primeira persoa coñecida que propuxo o modelo heliocéntrico do sistema solar, colocando o Sol, e non a Terra, no centro do universo coñecido. Esta proposta fíxoa despois de estudar a distancia e o tamaño do Sol (determinou que o Sol era moito máis grande que a Terra). Aristarco foi un dos moitos sabios que fixo uso da emblemática Biblioteca de Alexandría, na que se reunían as mentes máis privilexiadas do mundo clásico. Os seus traballos orixinais perdéronse probablemente nun dos varios incendios que padeceu a Biblioteca. Do modelo heliocéntrico de Aristarco só nos quedan as citas de Plutarco e Arquímedes. Non foi ata os traballos de Copérnico, uns mil setecentos anos máis tarde, que empezou a exporse o modelo heliocéntrico como unha alternativa consistente.

E imos coa pregunta de hoxe!

32. En que ano sucedeu a chamada Gran Depresión?

- 1900

- 1914

- 1929

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: filosofia.laguia200.com e es.wikipedia.org

CANTO SABES DA HISTORIA DA HUMANIDADE? XXXI

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é 1989. A caída do Muro de Berlín foi unha revolta popular producida na capital de Alemaña Oriental, Berlín Oriental, o 9 de novembro de 1989, como consecuencia da cal quedaron derrubadas as fortificacións defensivas que a separaban de Berlín Occidental (que non pertenecia a Alemaña Occidental), xunto á fronteira aberta de facto (historicamente a separación entre os antigos sectores de ocupación estadounidense, británico e francés e o sector de ocupación soviético). Considérase un dos acontecementos transcendentes na historia mundial, que marcou o fin do Telón de aceiro. A caída da fronteira de Alemaña Oriental con Alemaña Occidental tivo lugar poucas horas despois. Este feito puxo punto final á Guerra Fría, o que foi proclamado no Cume de Malta tres semanas máis tarde, e deu lugar á reunificación de ambas as Alemanias menos de 11 meses despois.

E imos coa pregunta de hoxe!

31. Quen foi a primeira persoa coñecida que propuxo o Modelo Heliocéntrico do Sistema Solar?

- Arquímides

- Ptolomeo

- Aristarco

- Copérnico

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

CANTO SABES DA HISTORIA DA HUMANIDADE? XXX

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é 116. A guerra dos Cen Anos foi un conflito armado que durou 116 anos, do 24 de maio de 1337 ao 19 de outubro de 1453, aínda que de forma intermitente, e tivo aos reinos de Francia e Inglaterra como principais contendentes aínda que nalgunhas etapas tamén se viron involucrados outros territorios como o Reino de Navarra ou o Ducado de Borgoña. Outros reinos e señoríos europeos tamén se viron afectados aínda que en menor medida e por menor tempo. Para algúns historiadores sería a primeira gran guerra internacional europea. Posiblemente sexa o conflito europeo de maior duración. O conflito foi de natureza esencialmente feudal, pois o seu propósito era resolver quen controlaría as terras adicionais que os monarcas ingleses acumularan desde 1154 en territorios franceses, tras o ascenso ao trono de Inglaterra de Enrique II Plantagenet, conde de Anjou. A guerra saldouse finalmente coa derrota de Inglaterra e a consecuente retirada das tropas inglesas de terras francesas (salvo da cidade de Calais).

E imos coa pregunta de hoxe!

30. En que ano se produciu a caída do Muro de Berlín?

- 1980

- 1989

- 1992

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: wikimwdia commons e es.wikipedia.org

CANTO SABES DA HISTORIA DA HUMANIDADE? XXIX

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Alexander Fleming. Nado na granxa Lochfield, preto de Darvel, en Ayrshire, Escocia, o 6 de agosto de 1881 e finado en Londres o 11 de marzo de 1955. Este científico británico é célebre por descubrir a proteína antimicrobiana chamada lisozima e mais o antibiótico penicilina obtido a partir do fungo Penicillium notatum (que tamén foi chamado Penicillium chrysogenum e hoxe Penicillium rubens). A súa descuberta da penicilina significou unha mudanza drástica para a medicina moderna, iniciando a chamada Era dos antibióticos.

E imos coa pregunta de hoxe!

29. Cantos anos durou a Guerra dos Cen Anos?

- 100

- 102

- 110

- 116

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

CANTO SABES DA HISTORIA DA HUMANIDADE? XXVIII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Inca. A civilización inca, tamén chamada civilización incaica ou civilización quechua, foi a derradeira das grandes civilizacións precolombianas que conservou o seu Estado independente durante a conquista de América. Coa extensión do imperio, esta foi absorbendo novas expresións culturais dos pobos incorporados, e situouse nos actuais territorios do Perú, Bolivia, Ecuador, a Arxentina e Colombia. Machu Picchu ("montaña vella") é o nome contemporáneo que se lle dá a unha llaqta (antigo poboado andino inca) de pedra construída principalmente a mediados do século XV no promontorio rochoso que une as montañas Machu Picchu e Huayna Picchu na vertente oriental dos Andes Centrais, no sur do Perú e a 2430 msnm, altitude da súa praza principal.

E imos coa pregunta de hoxe!

28. Localiza o cientifico con esta pista: o seu descubrimento é un dos que máis vidas salvou na historia da humanidade.

- Robert Koch

- Alexander Fleming

- Carlos Juan Finlay

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: okdiario.com e es.wikipedia.org

CANTO SABES DA HISTORIA DA HUMANIDADE? XXVII

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Felipe II. A balatta de Lepanto foi un enfrontamento naval que tivo lugar o 7 de outubro de 1571, cando unha frota da Santa Liga (formada polo Imperio español, con FelipeII como rei (1572-1598), os Estados Pontificios, a República de Venecia, a Orde de Malta, a República de Xénova e o Ducado de Savoia), organizada polo papa Pío V, inflixiu unha gran derrota á frota do Imperio Otomán no golfo de Patras. As forzas otomás navegaron cara ao oeste desde a súa estación naval en Lepanto (nome veneciano de Naupacto) cando se atoparon coa frota da Santa Liga que navegaba ao leste desde Messina, Sicilia. Os católicos, liderados por Juan de Austria, resultaron vitoriosos e salváronse tan só trinta galeras otomás. Freouse así o expansionismo otomán no Mediterráneo oriental durante algunhas décadas e provocouse que os corsarios aliados dos otománs abandonasen os seus ataques e expansións cara ao Mediterráneo occidental.

E imos coa pregunta de hoxe!

27. Que civilización contruíu o Machu Picchu?

- Aztecas

- Incas

- Maias

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org