#DígochoEu: Non digas *estreno
Esther Estévez Casado estrea e non *estrena como presentadora de “Cachadas”. Hoxe, domindo ás 20:20, temos estrea na TVG!
#DígochoEu
DOCENCIA
CANTO SABES SOBRE OS PREMIOS NOBEL IX
Continúo coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Dinamita. Alfred Nobel converteuse en multimillonario grazas á invención da dinamita, un descubrimento que non tardaría en ser utilizado ao servizo das guerras. "Alfred Nobel inventou un explosivo máis poderoso que calquera coñecido entón -un medio sumamente eficaz para a destrución- Para aliviar a súa conciencia, instituíu o premio á promoción da paz", comentou Albert Einstein. E así foi. No seu testamento do 27 de novembro de 1895, Nobel asegurouse de que o 94% dos seus activos totais (31 millóns de coroas suecas), irían destinados á creación duns premios que honrasen contribucións notables para a humanidade.
E imos coa pregunta de hoxe!
9. Cantas persoas se encontraban na cadea ao gañar o premio Nobel da Paz?
- 1
- 3
- 5
- 6
Mañá a solución e unha nova pregunta!
FONTE: Idea orixinal muyinteresante.es e gal.wikipedia.org
CANTO SABES SOBRE OS PREMIOS NOBEL VIII
Continúo coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Selma Lagerlöf. Todas as mulleres citadas gañaron un nobel, todas o de literatura menos Marie Curie (física e química) e a que tivo a honra de converterse na primeira muller en obter o prestixioso Premio Nobel de Literatura foi a escritora sueca Selma Lagerlöf, unha mestra rural coñecida pola Saga de Gösta Berling (1891) con heroes e cabaleiros, que tivo un grande éxito no país nórdico. A Academia Sueca elixiuna "en recoñecemento ao altivo idealismo, a vívida imaxinación e a percepción espiritual que caracterizan a todas as súas obras".
E imos coa pregunta de hoxe!
8. A orixe dos premios Nobel está unido a un particular invento. Cal?
- Transistor
- Lámpada
- Dinamita
- Máquina de coser
Mañá a solución e unha nova pregunta!
FONTE: Idea orixinal muyinteresante.es e gal.wikipedia.org
#DígochoEu: Aprende a distinguir vogais abertas e pechadas (capítulo 2)
Continuamos aprendendo con Esther Estévez Casado as normas para distinguir vogais abertas e pechadas con este segundo capítulo!
#DígochoEu: Aprende a distinguir vogais abertas e pechadas (capítulo 1)
Esta pode ser unha das cousas máis difíciles do galego así que a explicación de Esther Estévez Casado vai ir amodiño e en varios capítulos.
CANTO SABES SOBRE OS PREMIOS NOBEL VII
Continúo coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Suecia . A cerimonia ten lugar cada ano na cidade de Estocolmo, en Suecia e desde 1902, os premios entrégaos o Rei de Suecia. O Nobel da Paz é o único que se entrega en Oslo, Noruega.
E imos coa pregunta de hoxe!
7. Que muller gañou por primeira vez o Nobel de Literatura en 1909?
- Grazia Deledda
- Marie Curie
- Sigrid Undset
- Selma Lagerlöf
Mañá a solución e unha nova pregunta!
FONTE: Idea orixinal muyinteresante.es Imaxe da solución: lavanguardia.com
CANTO SABES SOBRE OS PREMIOS NOBEL VI
Continúo coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Bob Dylan. En efecto, foi o poeta e músico Bob Dylan (Robert Allen Zimmerman, 1941) quen conseguiu o Nobel de Literatura en 2016, con igual número de críticas que de aplausos polo seu galardón. O cantautor estadounidense recolleu o seu premio máis de tres meses despois da cerimonia oficial debido a varios compromisos ineludibles. O Nobel foille concedido "por crear novas expresións poéticas dentro da gran tradición da canción americana".
E imos coa pregunta de hoxe!
6. En que lugar se celebra a cerimonia oficial da entrega dos premios Nobel cada 10 de decembro?
- Noruega
- Alemaña
- Suecia
Mañá a solución e unha nova pregunta!
FONTE: Idea orixinal muyinteresante.es e gal.wikipedia.org
#DígochoEu: Tres galeguismos do castelán que en galego son incorrectos
Moito temos falado aquí dos castelanismos que hai que evitar cando falamos en galego, pero o castelán tamén ten moitos galeguismos! Esther Estévez Casado fálanos de tres que son incorrectos en galego.