#DígochoEu: Non digas *gafas
De sol, de natación, de mergullo... Hai moitos tipos, pero en galego non lle chamamos *gafas! E atentos porque tampouco é correcto dicir *lentillas. Esther Estévez Casado danos a solución.
#DígochoEu
DOCENCIA
CANTO SABES DOS INSECTOS? III
Continúo coa serie Canto sabes dos insectos?, na que se pon a proba os teus coñecementos sobre os seres máis abundantes no noso planeta, xa que estímase que hai 200 millóns de insectos por cada ser humano.
A contestación á pregunta de onte é Verdadeiro. As cascudas son incriblemente veloces. Ao ser a presa de moitos depredadores, fuxir rápido é o seu mecanismo de defensa. Estes insectos rastreros poden desprazarse cunha velocidade de 1,5 metros por segundo (5,4 km/h). Para poñer as cousas en perspectiva, o equivalente humano é de ao redor de 320 km/h!
E imos coa pregunta de hoxe!
3. Cal é o insecto que aparece na imaxe?
- Saltamontes arco iris
- Saltamontes tartaruga
- Weta xigante
Mañá a solución e unha nova proposta!
FONTE: muyinteresante.es/natureza
#DígochoEu: Aprende a distinguir entre 'te' e 'che'
Xa está aquí o truco definitivo para que non te trabuques co ’te’ e co ’che’. Esther Estévez Casado explíacnolo en só 1 minuto!
#DígochoEu
CANTO SABES DOS INSECTOS? II
Continúo coa serie Canto sabes dos insectos?, na que se pon a proba os teus coñecementos sobre os seres máis abundantes no noso planeta, xa que estímase que hai 200 millóns de insectos por cada ser humano.
A contestación á pregunta de onte é Mosquitos. O animal máis mortífero é o mosquito, ao que só o ser humano fai competencia de preto. Case 700 millóns de persoas contraen algunha enfermidade causada por un mosquito cada ano. E máis dun millón delas morren. A malaria é unha destas enfermidades, pero non é nin moito menos a única. Febre amarela, dengue, chikungunya, virus zika… todas estas enfermidades son só algunhas das causadas por estes insectos.
E imos coa pregunta de hoxe!
2. Se as cascudas tivesen o tamaño dun humano alcanzarían unha velocidade de máis de 300 Km/h.
- Verdadeiro
- Falso
Mañá a solución e unha nova proposta!
FONTE: muyinteresante.es/natureza
A HISTORIA DO MUNDO EN DÚAS HORAS
Neste documental contarémosche 14 mil millóns de anos de historia, a través dunha viaxe rápida de 120 minutos, desde o principio do tempo ata a actualidade, facendo escala para explorar os puntos de inflexión, momentos históricos e as extraordinarias conexións entre o pasado afastado e a nosa vida cotiá. Esta é unha nova forma de ver a historia do universo, o planeta Terra e a humanidade: o xurdimento da vida, o avance do home e o crecemento da civilización.
#DígochoEu: É correcto 'galocha'?
Galocha é unha palabra que teñen en común o portugués e o castelán, pero será correcta tamén en galego? E de selo, que significa? Esther Estévez Casado danos a solución.
#DígochoEu
CANTO SABES DOS INSECTOS?
Insectos / Imaxe: cuandoduermes.com
Practicamente en case todos os lugares onde mires, atoparás un, ou quizá ducias, das criaturas que coñecemos como insectos. (Iso si, nos océanos é onde menos poderemos atopalos). Trátase dun grupo incriblemente diverso, pois atoparemos moscas, escaravellos, abellas, bolboretas, formigas... e moitos máis dentro do grupo Insecta.
De entre as características que podemos destacar dos insectos, que son animais invertebrados do fío dos artrópodos, é básico expoñer que contan cun corpo composto por tres segmentos: cabeza, tórax e abdome, un par de antenas, ollos compostos e tres pares de patas articuladas. Desde este esquema corporal básico preséntansenos en todo tipo de formas, cores e comportamentos sorprendentes.
Os insectos son moi abundantes no noso planeta. Estímase que hai 200 millóns de insectos por cada ser humano. Da colección de criaturas salvaxemente diversa do planeta, ao redor do 90% das especies vivas do noso mundo son insectos e son imprescindibles para a supervivencia da vida sobre a terra.
Unha das claves do seu éxito radica no seu pequeno tamaño, o que facilita a súa ocultación e reduce os requisitos xerais de enerxía; tamén a súa ampla dieta de alimentos naturais e artificiais; exoesqueletos resistentes e protectores; posesión frecuente de ás e unha incrible capacidade para reproducirse polo planeta.
Os insectos teñen o seu esqueleto no exterior e as partes brandas no interior. Que ocorre con esta característica? Que lles dificulta o crecemento. Como medran entón? Cada vez que queren facelo, teñen que saír da súa pel e incharse ao seu novo tamaño antes de que a súa nova pel endurézase. É o que coñecemos como muda. Isto significa que unha vez que o insecto se atopa no seu tamaño final (a súa forma adulta), xa non pode crecer máis. Así, as bolboretas, por exemplo, tal e como as ves, non se farán nunca máis grandes. A súa esperanza de vida será variable, dependendo de moitos factores, como a época do ano en que se converteu en adulto ou onde viva pero non medrarán máis.
Pois propoñoche coñecer o que sabes do mundo dos insectos. Apetéceche?
Pois imos aló!
1. A especie máis mortífera do planeta é...
- León
- Home
- Mosquito
Mañá a solución e unha nova proposta!
FONTE: muyinteresante.es/natureza
#DígochoEu: Non confundas 'aí', 'ai!' e 'hai'
’Aí’, ’ai!’ e ’hai’: sabes diferenciar estas tres palabras? É moi fácil! Explícacho rapidamente Esther Estévez Casado.
#DígochoEu