Facebook Twitter Google +1     Admin
20130709185113-un-dinosaurio-que-respiraba-como-un-pajaro-.jpg

O Tataouinea hannibalis /
DAVIDE BONADONNA

 

Tataouinea hannibalis, un dinosauro atopado no sur de Túnez en 2001 e o mellor conservado dos que apareceron no norte de África, deparou unha sorpresa aos investigadores. O animal, un dos herbívoros máis grandes do Cretácio, tiña un sistema respiratorio moi similar ao das aves actuais, segundo describe un equipo da Universidade de Bolonia na revista Nature Communications.

Cunha lonxitude duns catorce metros, o novo saurópodo da familia Rebbachisauridae tiña un esqueleto moi lixeiro en comparación co seu gran tamaño, xa que os seus ósos estaban recheos de aire, como acontece cos paxaros. Algúns ósos da cola e a pelve confirman a hipótese de que estes dinosauros respiraban co mesmo mecanismo avanzado das aves actuais.

O autor principal do estudo, Federico Fanti, sinalou que este achado é "un dos máis importantes no norte de África» e tamén destacou que se trata da confirmación de que "o sistema de respiración das aves naceu na época dos dinosauros".

FONTE: Xornal abc/ciencia

Comentarios  Ir a formulario

No hay comentarios

Añadir un comentario



No será mostrado.