Facebook Twitter Google +1     Admin

O TOP 10 DAS NOVAS ESPECIES 2013 (II)

Publicado: 08/07/2013 00:03 por vgomez en CURIOSIDADES
20130704190644-1369310085111sin-titulo-1c3.jpg

Violeta Liliputiense (Viola lilliputana) / Imaxe:publico.es

Hoxe imos coñecer a segunda especie rechamante das dez seleccionadas polo Instituto Internacional para a Exploración de Especies (IISE) da Universidade de Arizona. Trátase da VIOLETA LILIPUTIENSE.

A Viola lilliputana recibe o seu nome en honor aos pequenos habitantes do famoso conto “As viaxes de Gulliver” de Jonathan Swift. Non é para menos, porque é unha das violetas máis pequenas do mundo: apenas levanta un centímetro de altura dende o chan. Esta planta só se atopa na meseta dos Andes do Perú, en zonas de secarral, e foi descuberta por casualidade. En 1962, os científicos Hugh Iltis e Don Ugent, da Universidade de Wisconsin-Madison (EUA), traballaban nun proxecto para estudar a pataca do Perú. Ao ir a facer unha foto das vicuñas do seu campo base, en Cerra Palla Palla, a un deles caéuselle ao chan o filtro da cámara. Cando o recolleu, decatouse desta violeta, descrita e nomeada de forma oficial en 2012.

FONTE: Revista Consumer 

Comentarios  Ir a formulario

No hay comentarios

Añadir un comentario



No será mostrado.