O VOLCÁN MÁIS PERIGOSO DO MUNDO
O noso planeta ten preto de 2.000 volcáns, tanto activos como inactivos, repartidos por toda a Terra. Os países que maior concentración presentan son Chile, Estados Unidos, Xapón e Indonesia.
A pesar dos avances científicos e tecnolóxicos, os volcáns seguen sendo todo un misterio para os humanos. Por sorte, hoxe en día cóntase con materiais capaces de predicir unha catástrofe e salvar así miles de vidas. A ameaza volcánica actual non é extrema, pero aínda así non estamos totalmente a salvo. Conviven connosco inmersos nun soño profundo, pero se espertan, as súas consecuencias poderían ser catastróficas.
Un equipo de investigadores da Universidade de Manchester (Reino Unido) publicou a lista dos volcáns máis perigosos do noso planeta. Segundo esta lista, o primeiro posto é para o volcán de Iwo Jima en Xapón, onde a illa Iwo Tō (antes denominada Iwo Jima) foi empurrada ata 17 metros sobre a superficie do océano debido á cámara de magma que medra na zona inferior.
Segundo os expertos, a erupción do volcán de Iwo Jima provocará un tsunami duns 25 metros de altura e afectaría o sur de Xapón e parte de China, incluídas as cidades de Xangai e Hong Kong.
Na citada lista, o segundo posto sería para o volcán de Chiltepe/Apoyeque (Nicaragua) e no terceiro lugar o volcán de campos Flégreos (Italia).
FONTE: Sarah Romero e María Moya/muyinteresante.es
0 comentarios