ASÍ SERÁ O FINAL DO NOSO PLANETA

O Sol acabará coa vida na Terra, segundo as previsiones científicas/ Imaxe: xornal abc

 

Existe un grande número de profecías acerca de como pode rematar a vida na Terra e o noso planeta mesmo, pero a máis probable, se é que antes non acontece algunha outra catástrofe cósmica, é que dentro duns 2.800 millóns de anos o Sol se converta nun xigante vermello e decida facer unha barbacoa connosco. Non exactamente connosco, porque fará moito tempo que xa non estaremos aquí. Antes de que iso suceda e a medida que a nosa estrela vaia envellecendo, irá desaparecendo a vida. Os últimos en resistir serán os máis pequenos e sinxelos, uns organismos unicelulares capaces de sobrevivir en auga quente e salgada. Eses microbios gobernarán o que agora é o noso mundo durante mil millóns de anos antes de que eles tamén perezan para sempre. Este é o panorama que debuxaron científicos da Universidade de St Andrews (Escocia) no Encontro Nacional de Astronomía no Reino Unido.

Os investigadores calcularon as fases de agonía para o noso planeta segundo o Sol vaia expandíndose e entrando na terceira idade. A vida complexa será a primeira en caer: plantas, mamíferos, peixes e invertebrados morrerán cando as temperaturas se disparen. Os océanos evaporaranse e a tectónica de placas actual non funcionará ao non existir auga. Iso acontecerá dentro de mil millóns de anos.

Só microbios extremófilos capaces de vivir en ambientes con pouco ou ningún osíxeno, altas presións e salinidade pola evaporación dos océanos conseguirán sobrevivir en pozas de auga quente, as que quedase de forma illada en zonas escuras e protexidas. Desa forma reinarán durante mil millóns de anos antes de que eles tamén digan un adeus definitivo.

Pode parecer un futuro triste, pero quizais sexa o mellor que poidamos ter xa que rematar así significará que ningún outro evento catastrófico, natural ou provocado polo home, rematou coa Terra antes do previsto.

FONTE: Xornal abc/ciencia