O QUE NON DEBEMOS FACER COAS LENTILLAS

Lentes de contacto / Imaxe: visualcentermadhu.com

Usar o  váter como un lixo é unha irresponsabilidade cuxas consecuencias están a sufrir os océanos e os seus moradores. Á lista de obxectos sorprendentes e moi contaminantes que acaban por erro no  inodoro, únense tamén as lentes de contacto de usar e tirar. Unha investigación recente alerta do perigo que implica arroxar as lentes de contacto desbotables a través do váter ou, noutros casos, o lavabo; un costume que, segundo apuntan os científicos, practican entre un 15% e un 20 % dos seus usuarios e que podería producir centos de toneladas cúbicas de lixo plástico nos océanos.

Preto de 45 millóns de persoas empregan lentes de contacto en Estados Unidos, o que supón que, segundo estimacións do equipo investigador, nun ano entre seis e dez toneladas de plástico de lentes de contacto terminan nas súas augas. En España, máis de 2,5 millóns de persoas usan lentes de contacto, segundo a Federación Española de Asociacións do Sector Óptico, polo que se trasladamos estes datos ao noso país, e sendo optimistas, podería ser que polo menos 10 millóns de lentes de contacto  desechables estivesen a ser arroxadas polo  váter.

Os químicos apuntan a que unha vez que unha lente chega ás plantas de tratamento de augas residuais, esta descomponse en minúsculos fragmentos de plástico. E o problema agrávase coa nova xeración de lentes de contacto desbotables, ben sexan produtos de uso diario, semanal ou mensual. Este tipo de lentes de contacto está formado por unha mestura de  polimetilmetacrilatos, siliconas e  fluoropolímeros, que fan que a lente sexa máis suave e permita o paso do osíxeno cara ao ollo. Pero resulta que, segundo os científicos, esta composición facilita que a lente de contacto se descompoña en microplásticos. Cando o plástico da lente perde a súa resistencia estrutural, as lentes de contacto descompóñense fisicamente.

Estes pequenos anacos enturban a auga do océano e entran na cadea  trófica mariña, ben a través da filtración ou por inxestión directa. A consecuencia: a morte de millóns de animais mariños ao ano.

E onde as tiramos? Aínda que as lentes de contacto  desbotables están formadas maiormente por plástico, non son envases e, por tanto, non poden ir ao contedor amarelo. Cada municipio determina onde se deposita este produto. De non haber espazo de recollida de lentes de contacto no punto Limpo, debe ir ao contedor do lixo normal, no nosos pobo contedor verde.

FONTE: Eva Martín/consumer.es/medioambiente