SABES DE QUE CIENTIFICO/A ESTOU A FALAR? II

 

A solución á proposta do día anterior é Albert Einstein ( Ulm-Alemaña, 1879 - Princeton-EE.UU, 1955). O 10 de novembro de 1922 Einstein decatouse da noticia mediante un telegrama pero é que ademais tratábase do Nobel de Física de 1921, que quedara en reserva, pois non se entregou a ninguén ese ano. Foille concedido polas súas achegas á Física Teórica, en especial polo seu descubrimento da lei do efecto fotoeléctrico. Albert Einstein non asistiu á cerimonia de entrega do premio ao atoparse de viaxe en Xapón e deixou á Academia plantada como resposta á turbidez da historia. Einstein pronunciou o seu discurso de aceptación do premio en xullo de 1923. Non falou do efecto fotoeléctrico, senón da relatividade.

E imos coa proposta de hoxe!

 

2. Trátase dunha muller e as súas investigacións provocáronlle unha enfermidade que acabou causándolle a morte. Foi...

- Jane Godall

- Marie Curie

- María Acha-Kutscher

Mañá a solución e unha nova proposta!

FONTE: nationalgeographic.com.es e muyinteresante.es