BANDEIRAS DO MUNDO CI

Esta é a bandeira de Malta (República de Malta/Repubblika ta’ Malta/Republic of Malta), un pequeno país europeo, que consta dun arquipélago de tres illas moi próximas unhas das outras, situadas ao sur da illa italiana de Sicilia, no mar Mediterráneo. Conta cunha poboación que rolda os 500.000 habitantes, sendo a súa capital A Valeta. Os idiomas oficiais son o maltés e o inglés.

A bandeira está composta por dúas franxas verticais do mesmo tamaño, de cores branca (a máis preta ao mastro) e vermella. No cuadrante superior máis preto ao mastro, na franxa branca, figura a Cruz de Xurxo perfilada en vermello. As dúas cores (branco e vermello) que figuran na bandeira teñen sido as das armas de Malta dende a Idade Media.

FONTE: gal.wikipedia.org