CANTO SABES DE GALICIA LXXIII

Continúo coa serie Canto sabes sobre Galicia, que pretende facer un percorrido sobre cousas que tod@s deberiamos de coñecer sobre a nosa Comunidade Autónoma. A resposta a pregunta do día anterior é 76 km. Comezando esta, na desembocadura do río Barxas ou Troncoso (afluente pola esquerda) no Miño (limite da provincia de Ourense con Pontevedra) e rematando na desembocadura no oéano Atlántico, á altura da nosa localidad, en Camposancos (A Guarda-Pontevedra), que aparecía na fotografía de onte.

E imos coa pregunta de hoxe!

73. E falando de ríos, os nosos son ben coñecidos polas especies que albergan e o refraneiro popular pon a proba os teus coñecementos. Trata de completar istes refráns e ditos populares:

- A anguía en empanada e a lamprea _ _ _ _ _ _ _ _ _ _ _.

- Lamprea e salmón pola Pascua a _ _ _ _ _.

- Escorredizo como unha _ _ _ _ _ _.

- Quen pesca con chaqueta cábenlle os peixes nunha _ _ _ _ _ _ _ _ _ _.

- Labrego con cana á porta pouco lle medra a _ _ _ _ _.

- Pola boca more o _ _ _ _ _.

Mañá a solución e unha nova proposta!

FONTE: Idea orixinal blog.galiciamola.es, portalgalicia.com, wikipedia.es e Almanaque Agrícola ZZ ano 2015 Imaxe: pescarmona.es