LAURA LAMONTAGNE & PICOAMPERIO

 

Laura Lamontagne (Lugo, 1993) e Pedro Cuntín, PicoAmperio, (Os Tilos, 1995) espeleólogos musicais pioneiros na recontextualización da herdanza folclórica galega a través da fibra electrónica e as ondas do loop.

Laura LaMontagne & PicoAmperio, abordan campos musicais diferentes que oscilan entre a tradición galego-portuguesa das «cantigas de amigo», ritmos electrónicos e ambientes íntimos provocados pola evolución de superficies de loops musicais. Poesía propia e adaptacións de Rosalía de Castro, Lorca, Pessoa, Martín Codax; rabia e desasosego dunha viaxe turbulenta como a vida. Mesturando a tradición e a realidade maquinal e tecnolóxica para contar historias, simplemente, porque o necesitamos.

No vídeo, interpreta "Bailemos nós já todas" que é unha adaptación da cantiga do trovador Airas Nunes de Santiago (clérigo e trobador do século XIII) "Bailemos nós ja todas tres, ay amigas ou Bailada das Avelaneiras", renovada e mellorada pola man de PicoAmperio.

Que o disfrutedes!