CANTO SABES SOBRE BOTÁNICA? XVII

Coninúo con esta serie, adicada a botánica ou fitoloxía, esa rama da bioloxía que estuda as plantas, baixo todos os seus aspectos.

A resposta á pregunta do día anterior é Acivro. Ou xardón (Ilex aquifolium) é unha arboriña ou arbusto perenne da familia aquifoliáceas. Medra en bosques no oeste, centro e sur de Europa. En Galicia dáse sobre todo nas zonas montañosas e chuviosas do centro e interior. Podemos atopalo tamén con frecuencia como planta ornamental nos xardíns, onde se dan numerosas variedades, adoito con follas bordeadas de amarelo (formas variegadas).

E imos coa pregunta de hoxe!

17. Anteriormente falamos da planta coa maior inflorescencia do mundo: Amorphophallus titanum. Saberías agora dicir cal é a planta coa flor máis grande do mundo?

- Florichi enormun gigantum

- Rafflesia arnoldii

Mañá a solución e unha nova pregunta!

FONTE: Idea orixinal nationalgeographic.com.es e wikipedia.org         Imaxe: nationalgeographic.com.es