OS FÓSILES MÁIS DESTACADOS DO MUNDO IV

A procura da verdade a través dunha lente científica está a permitirnos reconstruír a historia das orixes humanas a partir dos fósiles dos nosos antepasados. Afortunadamente, grazas aos fósiles, a evidencia sólida detrás da nosa imaxe da vida na Terra, temos unha boa fonte de información sobre a vida prehistórica no noso planeta.

Por raros e impresionantes que poidan ser, non todos os fósiles son igualmente famosos, ou tiveron o mesmo efecto profundo na paleontoloxía e na nosa comprensión da vida durante estes tempos remotos.

Continúo coa serie os fósiles máis destacados do mundo. Hoxe tócalle a...

4. Megalosaurus

Cando o fémur parcial do Megalosaurus foi desenterrado en Inglaterra en 1676, un profesor da Universidade de Oxford identificouno como pertencente a un xigante humano. Non sería ata 1824 cando William Buckland dese a este xénero o seu nome distintivo, e pasarían case 20 anos máis para que o Megalosaurus fose identificado definitivamente como un dinosauro polo famoso paleontólogo Richard Owen. Así as cousas, o  fémur de megalosaurio foi o primeiro dinosauro descrito e bautizado.

FONTE: Sarah Romero/muyinteresante.es