OS DINOSAUROS XA SE ESTANA EXTINGUINDO CANDO CAEU O METEORITO

A revista Nature Communications faise eco dun traballo que, utilizando un modelo estatístico que limita o rumbo asociado cos baleiros no rexistro fósil, analiza as tendencias evolutivas durante o Cretácico para seis familias principais de dinosauros que inclúen aquelas a as que pertenceron colosos tan coñecidos como os tiranosaurios, os triceratops e os hadrosaurios.

Todos temos en mente a caída dun enorme asteroide de doce quilómetros de ancho que, hai 66 millóns de anos, causou a extinción dos dinosauros sobre a face da Terra. Con todo, a comunidade científica non ten claro se, antes do impacto, estes animais xa se atopaban en declive. “Estudamos as seis familias de dinosauros máis abundantes do Cretácico, hai entre 150 a 55 millóns de anos”, explica Fabien Condamine, autor principal do traballo e investigador no Centro Nacional de Investigación Científica de Francia (CNRS). “Todos estaban a evolucionar e expandíndose con éxito ata hai 76 millóns de anos, momento no que se produciu unha caída repentina. As súas taxas de extinción aumentaron e, nalgúns casos, mesmo diminuíu a taxa de formación de novas especies”.

Os científicos usaron técnicas de estatística bayesiana para dar conta de varios tipos de incertezas: tanto rexistros fósiles incompletos como incertezas sobre a datación dos fósiles e sobre os modelos evolutivos. Cada un dos modelos executouse millóns de veces para considerar todas estas posibles fontes de erro e para determinar se as análises converxerían no resultado máis probable acordado.

“O declive dos dinosauros no seu últimos dez millóns de anos ten sentido e, de feito, esta é a parte con mellor mostraxe do seu rexistro fósil, como mostra o noso estudo", explica Phil Currie, coautor do estudo e investigador na Universidade de Edmonton (Canadá).

Nas análises realizadas, os autores exploraron as distintas posibles causas do declive que xa estaban a sufrir os dinosauros: “Hai dous factores principais, o primeiro é que o clima se estaba volvendo máis frío, e isto dificultaba a supervivencia destes animais adaptados a temperaturas máis cálidas”, explica Mike Benton, investigador da Universidade de Bristol. “Posteriormente, a extinción de herbívoros fixo que os ecosistemas fosen máis inestables e propensos ás extincións en fervenza. Outro dos resultados mostrounos que as especies de dinosauros máis lonxevas tamén eran máis propensas á extinción, isto podería reflectir que eran incapaces de adaptarse ás novas condicións da Terra”.

Como xa sabemos, a extinción dos dinosauros foi un momento clave na evolución da vida na Terra. “O mundo estivera dominado polos dinosauros durante máis de 160 millóns de anos e, a medida que estes declinaban, outros grupos comezaron a despuntar, incluídos os mamíferos”, explica Condamine. "Os dinosauros eran, na súa maioría, tan grandes que apenas se cruzarían cos pequenos mamíferos peludos que xa andaban por alí. Pero os mamíferos comezaron a aumentar en número de especies antes de que os dinosauros desaparecesen e, posteriormente, despois do impacto, tiveron a oportunidade de construír os novos tipos de ecosistemas que vemos hoxe".

FONTE: muyinteresante.es/ciencia      Imaxe: Jorge González