CURIOSIDADES DESCOÑECIDAS DE MARTE (XIV)

Continúo coa serie CURIOSIDADES DESCOÑECIDAS DE MARTE, o segundo planeta máis pequeno do sistema solar, despois de Mercurio, e similar á Terra en moitos aspectos, como que posúe nubes, ventos e un día de aproximadamente 24 horas (ao redor dun 3% máis longo que o día solar na Terra).

Imos coa décimo terceira curiosidade!

13. As covas de Marte

Imaxes que mostran sete buracos escuros na ladeira norte do volcán marciano Arsia Mons que poderían ser entradas de covas. Estes seis fragmentos de imaxes tomadas polo orbitador Mars Odyssey da NASA mostran as sete entradas. A iluminación solar provén da esquerda en cada marco. Os diámetros das entradas varían desde uns 100 metros ata uns 252 metros. Os nomes que recibiron son (A) «Dena», (B) «Chloe», (C) «Wendy», (D) «Annie», (E) «Abby» (esquerda) e «Nikki», e (F) «Jeanne». As frechas significan norte e a dirección da iluminación / NASA/JPL Caltech/ASU/USGS.

Na actualidade, a superficie de Marte está exposta a niveis de radiación letais para a vida tal e como a coñecemos. O subsolo marciano, en cambio, podería ofrecer protección fronte a estes elevados niveis de radiación, aínda que, á súa vez, a carencia de luz visible nesta contorna limitaría o tipo de organismos que poderían sobrevivir nel.

Un recente estudo liderado polo Centro de Astrobiología (CAB, CSIC-INTA) e publicado na revista científica Icarus, caracterizou por primeira vez os niveis de radiación ultravioleta nas entradas a covas desde cráteres de pozo e en aperturas en tubos de lava. Para iso, foi necesario desenvolver un modelo numérico de radiación, co que se realizaron centos de simulacións para distintos tipos de cráteres e aperturas, en función da súa posible localización no Planeta Vermello.

Como sinala Daniel Viúdez-Moreiras, investigador do CAB e autor do estudo, “Os resultados suxiren que estas contornas poderían ofrecer niveis de radiación amigables coa vida, á vez que os niveis de luz visible serían adecuados para certos organismos fotosintéticos presentes no noso planeta”.

Até agora catalogáronse centenares de candidatos a posibles entradas de covas na superficie de Marte, aínda que ningunha misión de exploración robótica visitounos ata a data. O uso de drons voadores, como o helicóptero Ingenuity actualmente en Marte, poderían ser usados para buscar e explorar posibles entradas de covas. “Sería necesario o envío a Marte dunha misión deste tipo, para avanzar na avaliación da habitabilidade destas prometedoras contornas”, conclúe Viúdez-Moreiras.

FONTE: Idea orixinal Sarah Romero/muyinteresante.es/ciencia e cab.inta-csic.es