CANTO SABES SOBRE A HISTORIA DA ARTE? VII

Continúo coa serie CANTO SABES SOBRE A HISTORIA DA ARTE como disciplina académica, restrinxida ás denominadas artes visuais ou plásticas (esencialmente a pintura, escultura e arquitectura).

A contestación correcta á pregunta de onte é Século XIX. Vincent Willem van Gogh naceu en Zundert o 30 de marzo de 1853 e finou en Auvers-sur-Oise o 29 de xullo de 1890. Foi un pintor neerlandés e figura destacada do postimpresionismo. Algunha das súas obras son Xerra con doce xirasois (1.888), Campo de trigo con corvos (1.890)…

E imos coa pregunta de hoxe!

7. Que nome recibe a arte desenvolvida polos cristiáns hispánicos que viviron en territorio musulmán no período que abarca desde a invasión musulmá (711) ata finais do século XI conservando a súa relixión e unha certa autonomía eclesiástica e xudicial?

- Arabesco

- Nazarí

- Arábigo

- Mozárabe

Mañá a solución e unha nova pregunta!

FONTE: Idea orixinal culturizando.com, alanxelmundo.com e es.wikipedia.org      Imaxe: masdearte.com