CANTO SABES SOBRE A HISTORIA DA ARTE? X

Continúo coa serie CANTO SABES SOBRE A HISTORIA DA ARTE como disciplina académica, restrinxida ás denominadas artes visuais ou plásticas (esencialmente a pintura, escultura e arquitectura).

A contestación correcta á pregunta de onte é Barroco. A escultura barroca é a escultura asociada ao estilo barroco do período comprendido entre principios do século XVII e mediados do século XVIII. As súas características xerais son: Naturalismo, é dicir, representación da natureza tal como é, sen idealizala, busca o movemento, acción conxelada, lograda a través dunha composición asimétrica, onde predominan as diagonais e as "serpentinatas", posturas sesgadas e oblicuas, escorzos e contornos difusos e intermitentes, que dirixen a obra cara ao espectador cunha grande expresividade. Na imaxe da pregunta en cuestión aparece O David, unha estatua, en mármore, realizada entre 1623 e 1624 por Gian Lorenzo Bernini (Nápoles, 7 de decembro de 1597-Roma, 28 de novembro de 1680), que reperesenta ao futuro rei David, un dos personaxes do Antigo Testamento, o cal derrota ao xigante Goliat lanzando unha pedra cunha fonda.

E imos coa pregunta de hoxe!

10. A estrutura arquitectónica desta igrexa corresponde ao…

- Románico

- Gótico

- Barroco

Mañá a solución e unha nova pregunta!

FONTE: Idea orixinal culturizando.com, alanxelmundo.com e es.wikipedia.org      Imaxe: cerebriti.com