OS LABORATORIOS MÁIS FAMOSOS DA HISTORIA

Os laboratorios énchennos a cabeza de imaxes de sisudos investigadores en batas brancas rodeados de maquinaria, onde se descobren os segredos da vida, o universo e todo o demais. Desde a investigación e o desenvolvemento ata os descubrimentos máis innovadores, estes laboratorios proporcionan algúns dos recursos máis valiosos para os científicos e investigadores.

Pero onde se atopan? Nesta viaxe, botaremos unha ollada a algúns dos laboratorios científicos máis importantes do mundo, onde se realizaron, e realízanse hoxe en día, algúns dos maiores avances da humanidade.

Comezamos!

1. Large Hadron Collider

O Gran Colisionador de Hadróns (Large Hadron Collider, LHC) é o maior e máis potente acelerador de partículas do mundo. Está situado na Organización Europea para a Investigación Nuclear (CERN) preto de Xenebra, na frontera franco-suíza. Foi construído entre 1989 e 2001 en colaboración con máis de 10.000 científicos e centos de universidades e laboratorios, así como máis de 100 países de todo o Mundo. Atópase nun túnel de 27 quilómetros de circunferencia e a unha profundidade máxima de 175 metros baixo terra. O LHC é utilizado por físicos de todo o mundo para estudar as partículas máis pequenas do universo.

2. Laser Interferometer Gravitational-Wave Observatory

O Observatorio de Ondas Gravitacionais por Interferómetro Láser (LIGO) consta de dous detectores: un en Hanford (Washington) e outro en Livingston (Luisiana). Estes detectores utilízanse para buscar ondas gravitacionais, é dicir, ondulaciones no espazo-tempo causadas por acontecementos como a fusión de buracos negros ou a explosión de supernovas. En 2015, LIGO fixo historia ao detectar ondas gravitacionais por primeira vez.

Continuará…

FONTE: Amina Jover/quo.eldiario.es/ciencia